Switiviso

◼ Minkandziyiso leyi nga ta fambisiwa hi August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Vito Ra Xikwembu Leri Nga Ta Tshama Hi Masiku, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene? September: Buku leyi nge Vutivi Lebyi Yisaka eVuton’wini Lebyi Nga Heriki. October: Timagazini ta Xihondzo xo Rindza na Xalamuka! Loko munhu a kombisa ku tsakela, n’wi nyikeni broxara leyi nge Leswi Xi Swi Languteleke, kutani mi endla matshalatshala yo hlawuleka yo sungula tidyondzo ta Bibele. November: Buku leyi nge Dyondza Eka Mudyondzisi Lonkulu kumbe broxara leyi nge I Yini Leswi Xikwembu Xi Swi Languteleke?

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi September 1, kumbe hi ku hatlisa endzhaku ka siku leri. Loko se ti kambisisiwile, tivisani vandlha.

◼ Ku hlayiwa ka tibuku hinkwato ni timagazini leti nga kona, loku endliwaka lembe ni lembe ku fanele ku endliwa hi August 31, 2004 kumbe masiku ma nga ri mangani siku leri ri nga si fika. Ku hlayiwa loku ka fana ni loku endliwaka n’hweti ni n’hweti hi la tamelaka tibuku, kutani mintsengo ya tona yi fanele yi tsariwa eka fomo ya Ku Hlayiwa Ka Tibuku (S-18). Ntsengo wa timagazini leti nga kona wu nga kumiwa eka (yena kumbe) lava tamelaka timagazini. Matsalana wa vandlha leri ungamelaka u fanele a kongomisa ku hlayiwa loku ka tibuku. Yena ni mulanguteri la ungamelaka wa vandlha ra ka vona va ta sayina tifomo leti. Vandlha ha rin’we leri ungamelaka ri ta kuma tifomo tinharhu ta Ku Hlayiwa Ka Tibuku (S-18). Hi kombela leswaku mi rhumela fomo yo sungula erhavini ku nga si hundza September 6. Hlayisani kopi ya yona efayilini ya vandlha. Fomo ya vunharhu mi nga tirhela eka yona.

◼ Ku sukela hi August 30 ku ya fika hi September 3, 2004 ku ta va ku hlayiwa tibuku hinkwato leti nga kona exitokweni eBethele. Hikwalaho ka sweswo, a swi nge koteki ku tirhana ni swikombelo swa tibuku ta mavandlha hi masiku wolawo.

◼ Mavandlha ma fanele ma hatla ma rhumela swikombelo swa wona swa Tibeji ta Ntsombano wa Muganga wa 2004 loko ma rhumela swikombelo swa wona swa tibuku hi September. Tibeji ti fanele ti komberiwa hi xijumba xa 20 eka xikombelo ha xin’we. Swikombelo swa Xihatla leswi nga ta rhumeriwa nkarhi se wu hundzile a swi nge tirhiwi, leswi vulaka leswaku swikombelo hinkwaswo swi fanele swi rhumeriwa loko ku endliwa swikombelo swa tibuku swa October. Tibeji ti ta kumeka hi Xinghezi, Xiputukezi, Xisuthu, Xixhosa ni Xizulu ntsena.