Xiyimiso Xa Nhlangano Wa Ntirho

Vhiki Leri Sungulaka Hi December 11

Risimu 174

10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa December 15 ni Xalamuka! ya December. Eka wun’wana wa minkombiso, kombisa ndlela yo hlamula lava sivaka bulo va ku, “A ndzi swi tsakeli.”—Vona buku leyi nge Ku Hlamulana, tl. 16.

15 min: Xikolo Xa Vutirheli Bya Le Tilweni Xa 2007. Nkulumo hi mulanguteri wa xikolo leyi katsaka mimbulavurisano. Bula hi tinhla leti vahuweleri va vandlha ra ka n’wina va faneleke va tirhela eka tona, leti nga eka xiengetelo xa Vutirheli Bya Hina Bya Mfumo bya October 2006. Hlamusela leswaku mulanguteri wa xikolo a nga yi tivisi ka ha ri emahlweni yinhla leyi xichudeni xi tirhelaka eka yona. Leswi hi 2007 hi nga ta heta ku hlaya Matsalwa ya Xiheveru ku sukela eka Esaya 24 ku ya eka Malakiya, wu ta va wu ri nkarhi wa kahle eka vamakwerhu lava averiweke ku lunghiselela tinhla-nkulu ta ku hlaya ka Bibele ni le ka vayingiseri loko va hlamusela leswi va swi dyondzeke, leswaku va tirhisa minkandziyiso ya hina leyi hlamuselaka tibuku leti ta vuprofeta. Vulavurisana ni vahuweleri vambirhi kumbe vanharhu lava welaka eka lava landzelaka: xichudeni lexa ha ku sungulaka ku nyikela tinkulumo, xichudeni lexa ha riki muntshwa lexi endlaka nhluvuko lowunene, swin’we ni xichudeni lexi nga ni ntokoto. Va kombele va hlamusela ndlela leyi xikolo xi va pfunaka ha yona entirhweni wa nsimu ni le ka vumoya bya vona. Va khutaze hinkwavo leswaku va hisekela ku hetisisa swiavelo swa vona, va hlanganyela hi ku hlamusela leswi va swi dyondzeke eka tinhla-nkulu ta ku hlaya ka Bibele ni ku tirhisa swiringanyeto leswi va swi kumaka vhiki rin’wana ni rin’wana eka buku leyi nge Vuyeriwa Eka Vuleteri Bya Xikolo Xa Vutirheli Bya Le Tilweni.

20 min: “U Nga Lahli Rirhandzu Leri A Wu Ri Na Rona Eku Sunguleni.”a Loko nkarhi wu pfumela, kombela vayingiseri va hlamusela matsalwa lama kombisiweke.

Risimu 193 ni xikhongelo xo pfala.

Vhiki Leri Sungulaka Hi December 18

Risimu 150

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Pfuxeta Bokisi Ra Swivutiso. Hlamusela malunghiselelo yo hlawuleka yo tirha nsimu hi December 25 na hi January 1.

15 min: “Vuyela Eka Hinkwavo Lava Vonakaka Va Tsakela.”b Kombela vayingiseri va hlamusela ndlela leyi va swi koteke ha yona ku kuma adirese kumbe nomboro ya riqingho eka vanhu lava tsakelaka lava va hlanganeke na vona loko va chumayela hi xitshuketa kumbe loko va chumayela exitarateni, kutani va tlhela va hlamusela mintokoto yo tsakisa leyi va veke na yona loko va endla maendzo yo vuyela eka vanhu volavo. Hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela mintokoto yoleyo.

20 min: “Moya Wa Ku Tinyiketela Wu Tisa Mikateko.”c Vulavurisana ni makwerhu un’we kumbe vambirhi lava tiviwaka hi ku va ni moya wa ku tinyiketela. Xana va wu kombisa njhani? Hi kwihi lomu a swi lava leswaku va antswisa kona, naswona va swi kotise ku yini? Hi yihi mikateko leyi va yi kumeke hikwalaho ko endla tano?

Risimu 108 ni xikhongelo xo pfala.

Vhiki Leri Sungulaka Hi December 25

Risimu 210

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa January 1 ni Xalamuka! ya January. Emakumu ka nkombiso ha wun’we, vutisa xivutiso lexi nga endla leswaku n’wini wa muti a lava ku tiva leswi engetelekeke, lexi u nga ta xi hlamula enkarhini lowu taka hi ku tirhisa buku leyi nge Leswi Bibele Yi Swi Dyondzisaka.

15 min: Swilaveko swa vandlha.

20 min: “Xana U Na Yona Nsimu Ya Wena N’wini?”d U nga si nyikela nkulumo leyi, vutisa mulanguteri wa ntirho vukulu bya nsimu ya vandlha nileswaku yi tirhiwa kangani, niloko swi ta koteka ku va vahuweleri va va ni nsimu ya vona vini, ivi u tivisa vandlha.

Risimu 219 ni xikhongelo xo pfala.

Vhiki Leri Sungulaka Hi January 1

Risimu 158

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va tisa swiviko swa vona swa ntirho wa nsimu swa December.

15 min: Ku Vika Nhluvuko Wa Ntirho. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha ku sukela eka xihlokwana lexi nga eka tluka 83 ku ya fika emakumu ka ndzima.

20 min: “Khathalela Van’wana—Hi Ku Nga Yi Hi Nghohe Loko U Chumayela.”e Loko mi bula hi Varhoma 1:14, leyi tshahiweke emakumu ka ndzimana 2, katsa ni tinhlamuselo to koma leti nga eka buku leyi nge Insight, Vholumo 1, tluka 255, ehansi ka nhloko-mhaka yo sungula leyi nge “Barbarian.” Endzhaku ko bula hi ndzimana 3, pfuxeta magoza manharhu lama xaxametiweke eka tluka 2 ra xibukwana lexi nge Good News for People of All Nations, kutani u kombisa ndlela yo tirhisa xibukwana xolexo eka vanhu va le ndhawini ya ka n’wina lava vulavulaka ririmi rimbe.

Risimu 65 ni xikhongelo xo pfala.

[Tinhlamuselo ta le hansi]