MAHANYELO YA VAKRESTE

“Hi Mina Loyi! Ndzi Rhume.”

Ndyangu wa ka Williams wu ri karhi wu endla malunghiselelo yo rhurhela etikweni rimbe

I swa nkoka leswaku hi tekelela langutelo leri Esaya a ri na rona. Leswi a ri ni ripfumelo, hi ku hatlisa u ye laha ku nga ni xilaveko hambileswi a nga tivi vuxokoxoko hinkwabyo. (Esa 6:8) Xana u nga antswisa swiyimo swa wena leswaku u ta kota ku tirha laha ku nga ni xilaveko lexikulu xa vahuweleri va Mfumo? (Ps 110:3) Entiyisweni, i swa nkoka leswaku u “hlayela ntsengo” loko u lava ku endla tano. (Lk 14:27, 28) Hambiswiritano, tiyimisele ku titsona swo karhi hikwalaho ka ntirho wo chumayela. (Mt 8:20; Mr 10:28-30) Hilaha swi kombisiweke hakona eka vhidiyo leyi nge Ku Ya Tirha Laha Ku Nga Ni Xilaveko Lexikulu, mikateko leyi hi yi kumaka loko hi tirhela Yehovha i ya nkoka ku tlula nchumu wun’wana ni wun’wana lowu hi wu endlaka.

ENDZHAKU KO HLALELA VHIDIYO LEYI, HLAMULA SWIVUTISO LESWI LANDZELAKA:

I yini leswi swirho swa ndyangu wa ka Williams swi titsoneke swona leswaku swi kota ku ya tirha e-Ecuador?
I yini leswi va anakanyisiseke hi swona loko va ri karhi va hlawula ndhawu leyi a va ta ya tirha eka yona?
Hi yihi mikateko leyi va yi kumeke?
U nga byi kuma kwihi vuxokoxoko lebyi engetelekeke loko u lava ku ya tirha laha ku nga ni xilaveko lexikulu?

EKA DYONDZO YA N’WINA YA NDYANGU LEYI LANDZELAKA, BULANI HI SWIVUTISO LESWI LANDZELAKA:

Tanihi ndyangu hi nga tirha nkarhi lowu engetelekeke ensin’wini hi ndlela yihi? (km 8/11 4-6)
Loko hi nga swi koti ku ya tirha laha ku nga ni xilaveko lexikulu, hi nga ri pfuna njhani vandlha ra le ndhawini ya ka hina? (w16.03 3-5)