4, 5. Xana swivuriso swin’wana swa Bibele swi swi komba njhani leswaku marito ma swi kota ku khutaza ni ku tshova munhu mbilu?

⁴ Xivangelo xo sungula lexi endlaka leswaku hi lawula ririmi ra hina hi leswaku nomu a wu taleriwi hi nambu. Swivuriso 15:4 yi ri: “Ririmi ro olova i murhi wa vutomi, kambe loko ri soholokile ri tshova moya.”a Ku fana ni mati lama kotaka ku pfuxa murhi lowu vuneke, marito lamanene ma nga khutaza lava va ma twaka. Hi hala tlhelo marito lama tlhavaka ma nga tshova van’wana timbilu. Leswi hi swi vulaka swi nga twisa van’wana ku vava kumbe swi va khutaza.—Swivuriso 18:21.