6. Muprofeta u n’wi hlamusela njhani muhluri loyi a taka?

⁶ Hi nomu wa Esaya, Yehovha u profeta hi ta muhluri loyi a nga ta kutsula vanhu va Xikwembu eBabilona a tlhela a avanyisa valala va vona. Yehovha wa vutisa: “I mani loyi a pfuxeke munhu wo karhi ku suka evuhuma-dyambu? I mani loyi hi ku lulama a n’wi vitaneke a ta emilengeni ya Yena, a n’wi nyika matiko emahlweni kakwe, ni ku n’wi endla a hlula tihosi? I mani loyi a hambeteke a ti nyikela ebangeni rakwe ku fana ni ntshuri, lerova ti hungiwa hi vurha byakwe ku fana ni mahlanga? I mani loyi a hambeteke a ti hlongorisa, a hambeta a hundza hi ku rhula hi milenge yakwe endleleni leyi a nga tangiki ha yona? I mani loyi a gingiritekeke a endla leswi, a vitana switukulwana ku sukela eku sunguleni? Mina, Yehovha, Lowo Sungula; ni le ka lavo hetelela ndza ha ri yena.”—Esaya 41:2-4.

 8. I yini leswi nga endliwaka hi Yehovha ntsena?

⁸ Hikwalaho, hi nomu wa Esaya, Yehovha u profete ta ku vekiwa ka Korexe emahlweni swinene ka ku velekiwa ka hosi yoleyo. I Xikwembu xa ntiyiso ntsena lexi nga profetaka nchumu wo tano ivi wu endleka. Yehovha a hi ntangha ya swikwembu swa mavunwa swa matiko. Hi xivangelo lexinene, Yehovha u ri: “Ku vangama ka mina a ndzi ku nyiki un’wana.” I Yehovha ntsena loyi a nga ni mfanelo yo vula a ku: “Hi mina wo sungula ni wo hetelela, a ku na Xikwembu xin’wana handle ka mina.”—Esaya 42:8; 44:6, 7.