-
Un’wana Ni Un’wana U Ta Tshama eHansi Ka Nkuwa WakweXihondzo xo Rindza—2003 | May 15
-
-
Yesu u tlhele a tirhisa xifaniso xa nkuwa a kombisa xiyimo xo biha xa tiko rero. Loko a ri karhi a famba a suka eBetaniya a ya eYerusalema loko ka ha sele masiku ya mune leswaku a dlayiwa, u vone nkuwa lowu a wu ri ni matluka yo tala kambe wu nga ri na mihandzu. Leswi makuwa yo rhanga ma humaka xikan’we ni matluka—naswona minkarhi yin’wana ma huma matluka ma nga si va kona—ku pfumala ka nkuwa lowu mihandzu ku kombise leswaku a wu pfuni nchumu.—Marka 11:13, 14.b
Tiko ra Yuda a ri ri ni xivumbeko xo kanganyisa ku fana ni nkuwa lowu nga tswaliki lowu langutekaka wu hanye kahle. Kambe a ri nga yi tswalanga mihandzu leyi tsakisaka Xikwembu, naswona ri hetelele ri fularhele N’wana wa Yehovha. Yesu u rhukane nkuwa lowu wu nga tswaliki, naswona siku leri landzelaka, vadyondzisiwa va wu vone se wu vunile. Murhi wolowo lowu omeke a wu ku fanekisela kahle ku fularheriwa ka Vayuda hi Xikwembu tanihi vanhu va xona lava hlawuriweke.—Marka 11:20, 21.
-
-
Un’wana Ni Un’wana U Ta Tshama eHansi Ka Nkuwa WakweXihondzo xo Rindza—2003 | May 15
-
-
b Mhaka leyi yi endleke ekusuhi ni muti wa Betefage. Vito leri a ri vula “Yindlu ya Makuwa yo Rhanga.” Leswi swi nga ha kombisa leswaku ndhawu leyi a yi tiviwa hikwalaho ka leswi a yi humesa makuwa yo rhanga lamanene.
-