Watchtower LAYIBURARI YA LE KA WEB SITE

Ku chumayela “mahungu lamanene hi Yesu”

“Komba Vumbhoni Lebyi Heleleke” Hi Mfumo Wa Xikwembu
- c Leswi a ku nga ri ku tekeka. Tanihi leswi Muetiyopiya loyi ana se a a hundzukele eka vukhongeri bya Vayuda, a a ma tiva kahle Matsalwa, ku katsa ni vuprofeta lebyi vulavulaka hi Mesiya. Leswi se a a tiva ntirho wa Yesu eka xikongomelo xa Xikwembu, a swi fanerile leswaku a khuvuriwa hi wona nkarhi wolowo!

Ku chumayela “mahungu lamanene hi Yesu”

“Komba Vumbhoni Lebyi Heleleke” Hi Mfumo Wa Xikwembu
- FILIPI “MUCHUMAYERI WA MAHUNGU LAMANENE”
  
  Loko valandzeri va Kreste va baleka hikwalaho ko xanisiwa, Filipi u ye eSamariya. Swi le rivaleni leswaku u tirhisane swinene ni huvo leyi fumaka ya lembe-xidzana ro sungula hikuva “Loko vaapostola eYerusalema va twa leswaku vanhu va le Samariya va amukele rito ra Xikwembu, va rhuma Petro na Yohane eka vona.” Sweswo swi endle leswaku vapfumeri lava lavantshwa va kuma nyiko ya mahala ya moya lowo kwetsima.—Mitirho 8:14-17.
  
  Filipi u boxiwa kan’we ntsena endzhaku ka swiendlakalo leswi endlekeke eka Mitirho ndzima 8. Kwalomu ka malembe ya 20 endzhaku ka loko Filipi a sungule ku chumayela, muapostola Pawulo ni vatirhi-kulobye a va ri endleleni leyi yaka eYerusalema eku heleni ka riendzo ra yena ra vunharhu ra vurhumiwa. Xikepe lexi a va famba hi xona xi fike xi va siya ePitolemayi. Luka u ri: “Hi siku leri landzelaka hi sukile hi ya eKhezariya, hi ya nghena endlwini ya Filipi, muchumayeri wa mahungu lamanene, loyi a a ri un’wana wa vavanuna va nkombo hi fika hi tshama na yena. Wanuna loyi a a ri ni vana va mune va vanhwanyana lava a va nga tekiwanga naswona a va profeta.”—Mitirho 21:8, 9.