Watchtower LAYIBURARI YA LE KA WEB SITE

‘Vulavula Hi Vurhena Hikwalaho Ka Matimba Ya Yehovha’

“Komba Vumbhoni Lebyi Heleleke” Hi Mfumo Wa Xikwembu
- 8. Ha yini Pawulo na Barnaba va balekile eIkoniya naswona hi dyondza yini eka xikombiso xa vona?
  
  ⁸ Hi ku famba ka nkarhi, vakaneti va le Ikoniya va luke mano yo khandla Pawulo na Barnaba hi maribye. Loko varhumiwa lavambirhi va twa hi mhaka leyi, va balekele endhawini yin’wana leswaku va ya chumayela kona. (Mit. 14:5-7) Tanihi vahuweleri va Mfumo hi endla hilaha ku fanaka ninamuntlha. Loko vanhu va hi rhukana, a hi chavisiwi hi malepfu ya nghala. (Filp. 1:7; 1 Pet. 3:13-15) Kambe loko hi vona khombo, hi papalata ku hoxa vutomi bya hina ni bya Vakreste-kulorhi ekhombyeni hi vomu.—Swiv. 22:3.

‘Vulavula Hi Vurhena Hikwalaho Ka Matimba Ya Yehovha’

“Komba Vumbhoni Lebyi Heleleke” Hi Mfumo Wa Xikwembu
- Muti wa Ikoniya a wu rhendzeriwe hi Likawoniya na Frigiya ku nga swifundzha swa Galatiya. Vatsari van’wana va khale ku katsa na Cicero na Strabo va vule leswaku muti wa Ikoniya wu wela eka xifundzha xa Likawoniya, naswona hi ku ya hi mepe swi tano. Hambiswiritano, buku ya Mintirho yi vula leswaku muti wa Ikoniya a wu hambanile ni wa le Likawoniya laha a ku vulavuriwa “ririmi ra Valikawoniya.” (Mit. 14:1-6, 11) Xisweswo vaxopaxopi va vule leswaku buku ya Mitirho yi hoxile. Kambe hi 1910, vayimburi va kume matsalwa lama kombaka leswaku hakunene Xifrigiya xi sungule ku tirhisiwa eIkoniya endzhaku ka loko ku hundze malembe-xidzana mambirhi Pawulo na Barnaba va endzele muti wolowo. Hikwalaho, mutsari wa buku ya Mintirho a a tiyisile loko a vula leswaku muti wa Ikoniya a wu weli eka xifundzha xa Likawoniya.