• “Vana Ni Xivindzi!”
    “Komba Vumbhoni Lebyi Heleleke” Hi Mfumo Wa Xikwembu

    • 10. Hi swihi swihehlo leswikulu leswi Pawulo a nga hehliwa hi swona?

      10 Loko Pawulo a ri emutini wa Khezariya, “a tshama endlwini ya vuhosi ya Heroda a rindziwile” loko vahehli va yena va ha ri endleleni va huma eYerusalema. (Mit. 23:35) Endzhaku ka masiku ya ntlhanu, va fikile—ku nga Muprista Lonkulu Ananiya, Tertulo loyi a a ri muyimeri ni ntlawa wa vakulukumba. Tertulo u sungule hi ku ndhundhuzela Felikisi hikwalaho ka swilo leswi a swi endlelaka Vayuda naswona swi le rivaleni leswaku a a ringeta ku n’wi xavelela.b Hiloko Tertulo a sungula ku vulavula hi mhaka leyi nga va tisa ehubyeni ivi a vula leswaku Pawulo i “ntungu, u vanga hasahasa a tlhela a kucetela Vayuda hinkwavo emisaveni hinkwayo ku pfukela mfumo, naswona i murhangeri wa ntlawa wa Vanazareta. U tlhele a ringeta ku thyakisa tempele hiloko hi n’wi khoma.” Vayuda lavan’wana na vona va “nghenelela va seketela mhaka leyi va vula leswaku swilo sweswo i ntiyiso.” (Mit. 24:5, 6, 9) Ku pfukela mfumo, ku va murhangeri wa mpambukwa lowu nga ni khombo ni ku thyakisa tempele, i swihehlo leswikulu swinene naswona munhu a a nga gweveriwa rifu hikwalaho ka swona.

  • “Vana Ni Xivindzi!”
    “Komba Vumbhoni Lebyi Heleleke” Hi Mfumo Wa Xikwembu

    • b Tertulo u nkhense Felikisi hikwalaho ka leswi a nga endla leswaku ku va ni “ku rhula” emutini. Hambiswiritano, ntiyiso hileswaku a ku nga ri na ku rhula eYudiya loko ku fuma Felikisi, vanhu a va lawuleka hi nkarhi wa vafumi lavan’wana kukondza mfumo wa Rhoma wu pfukeriwa. Nakambe Tertulo a a nga vulavuli ntiyiso loko a vula leswaku Vayuda va n’wi ‘khense swinene’ Felikisi hikwalaho ka ku cinca loku a nga ku endla. Entiyisweni, Vayuda vo tala a va n’wi venga Felikisi hikuva a a endla leswaku va nga dyi byi rhelela naswona a a yi herisa hi tihanyi mintlawa ya vanhu lava n’wi pfukelaka.—Mit. 24:2, 3.