12 Jerobhowamu ni vanhu vontlhe va no tlhela ka Rehobhowamu hi siku ga wunharu, kota lezvi a hosi yi nga wulile ku: “Wuyani ka mina hi siku ga wunharu.”+ 13 Kanilezvi a hosi yi no va hlamula hi tihanyi. Hi ndlela leyo, hosi Rehobhowamu i no tsika a wusungukati ga vavanuna va kulileko.* 14 I no wulawula navo hi ku landza a wusungukati ga majaha, aku: “Ndzi ta bindzisa a kanga wa n’wina, ina, ndzi ta wu engetela ku bindza. A papayi wa mina i mu tsayisile hi misephu, kanilezvi mina ndzi ta mu tsayisa hi misephu yi nga ni zvisimbana zvo tlhava.” 15 Hikwalaho, a hosi a yi ingisangi a vanhu, hakuva lezvi zvi nga kari zvi maheka zvi wa vangiwa hi Nungungulu wa lisine,+ kasi ku tatiseka lezvi Jehovha a nga zvi wulile ka Jerobhowamu, a n’wana wa Nebhate, hi nomu wa Ahija,+ a muXiloni.