Mavingu

 2 N’wananga, ndzi ta ku byela yini,

O n’wana wa khwiri ga mina,

Ndzi ta ku byela yini, wena n’wana wa zvifungo zva mina?+

 3 U nga nyikeli a ntamu wa wena ka vavasati,+

Ne u nga landzeli a tindlela ti lovisako tihosi.+

 4 O Lemuweli, a zvi faneli tihosi,

A zvi faneli tihosi a kunwa vhinyo,

Ne a zvi ringani vafumeli a ku wula ku: “Gi kwihi a byala ga mina?”+

 5 Kasi va nganwi va rivala nayo,

Va alela a vanhu va nyalidede a tifanelo tabye.

 6 Va nyike byala lava va lovako,+

Ni vhinyo lava va nga kukaratekeni ka hombe.*+

 7 Va wanwe va rivala a wusiwana gabye,

Va nga ha alakanyi kambe a zvikarato zvabye.

 8 Wulawula u yimela lava va nga zvi kotiko ku wulawula;

Yimela a tifanelo ta vontlhe lava va lovako.+

 9 Wulawula, u lamula hi kululama;

Yimela a tifanelo ta vanhu va nyalidede ni zvisiwana.+

11 A mbilu ya nuna wakwe ya mu tsumba,

A nga vhumali nchumu wa lisima.

12 I chachazela nuna wakwe hi zvilo zva zvinene, na zvi nga hi zva kubiha,

Wontlhe a masiku ya wutomi gakwe.

13 I kuma a woya ni wukene;*

Wa tsaka hi ku tira hi mandla yakwe.+

14 I fana ni zvitimela* zva muxavisi,+

I neha zvakuga zvakwe hi le kule.

15 I vhuka kambe na ga ha hi wusiku,

A va nyika zvakuga a va ngango wakwe,

Ni zviavelo a malandza yakwe ya cisati.+

16 I maha makungo ya ku xava simu, a gi xava;

I byala a civhina* hi nyuko wakwe.*

17 I ti longisela ku maha mitiro yo bindza,*+

A tiyisa mawoko yakwe.

18 Wa zvi wona lezvaku a bhindzu gakwe ga bhindzula;

A kandiya yakwe a yi timeki ni wusiku.

19 A mandla yakwe ma khoma a nhonga ya ku luka,

Ni mandla yakwe ma khoma a nhonga ya ku swula.+

20 I nawuluta a canja gakwe ka munhu wa nyalidede,

A vhulula a mandla yakwe ka cisiwana.+

21 A nga karateki hi va ngango wakwe loku kuwa gapongo,

Hakuva vontlhe va ngango wakwe va bohile tinguwo to kufumela.*

23 A nuna wakwe wa tiveka khwatsi lomu tinyangweni ta dhoropa,+

Lomu a tshamako kona cikari ka madhota ya tiko.

24 I maha tinguwo ta wukene* a xavisa,

A gwevhisa tibhandi ka vaxavisi.

25 I boha ntamu ni kungangamela,

Niku i cuwuka zvamandziko hi kutsumba.*

26 I vhulula nomu wakwe hi wutlhari;+

A nayo wa wunene* wu lirimini lakwe.

27 I wonelela a mitiro ya muti wakwe,

Ne a ngagi zvakuga* zva wulolo.+

28 A vana vakwe va vhuka va mu wula loyi a tsakileko;

A nuna wakwe i vhuka a mu dzundza, aku:

29 Ku na ni vavasati vo tala va vanene,

Kanilezvi wena wa va hundza vontlhe.

30 A wumbhuri gi nga kanganyisa, ni kusaseka ku nga mbhela,*+

Kanilezvi a wasati loyi a chavako Jehovha i ta dzundziwa.+

31 Mu nyikeni a nchachazelo wa lezvi a mahako,*+

Ni mitiro yakwe yi wa mu dzundze lomu tinyangweni ta dhoropa.+