Joba

1 Ku wa hi ni wanuna tikweni ga Uzi wa ku hi Joba.*+ I wa hi wanuna wo lulama ni wo tsumbeka,*+ a nga chava Nungungulu a potsa zvakubiha.+ 2 I nova papayi wa 7 wa vafana ni vanhanyana vanharu. 3 A zvifuyo zvakwe zvi no talelana zviva 7000 wa tiyivhu, ni 3000 wa makameli, ni 1000 wa tihomu,* ni 500 wa mapswele ya timbongola, zvin’we ni malandza yo tala nguvhu. Hikwalaho, i nova wahombe ka vontlhe vanhu va le Mutsuwuka-gambo.

4 A mun’we ni mun’wani wa vafana vakwe i wa tala ku maha mubuzo ndlwini yakwe hi siku gakwe gi yimisilweko.* Va wa ramba vamakabye vabye va cisati va vanharu kasi va taga ni kunwa navo. 5 Loku va tlhanganisile a rodha ga masiku ya mubuzo, Joba i wa va vitanisa kasi a ta va basisa. Makunu i wa vindzuka ni mixo a nyikela muphahlo wa kuhiswa+ wa mun’we ni mun’wani wabye. Hakuva Joba i waku: “Kuzvilava a vana va mina va wonhile, va rukatela Nungungulu timbilwini tabye.” Joba i wa maha lezvo contlhe cikhati.+

6 Ku no chikela siku legi a vana va Nungungulu wa lisine*+ va nga ya ti wonekelisa mahlweni ka Jehovha;+ Sathani+ yenawu i no nghena cikari kabye.+

7 Makunu Jehovha i no wutisa Sathani, aku: “Uta hi kwihi?” Sathani i no hlamula Jehovha, aku: “Ndzi wo ndzulandzula misaveni ni ku fambafamba ka yona.”+ 8 Jehovha i no byela Sathani, aku: “U gi wonile* nandza ga mina Joba ke? I hava wo fana naye laha misaveni. Munhu wo lulama ni wo tsumbeka,*+ a chavako Nungungulu, a potsa zvakubiha.” 9 Laha a ngazwa lezvo, Sathani i no hlamula Jehovha, aku: “Kasi Joba o halahala a chava Nungungulu ke?+ 10 A hi lezvi u nga vekela libhiyo la ku mu vhikela matlhelweni yakwe wontlhe,+ yena, ni yindlu yakwe, ni zvontlhe a nga nazvo ke? U katekisile a ntiro wa mandla yakwe,+ niku a zvifuyo zvakwe zvi andzile laha tikweni. 11 Kanilezvi, hi nga nawuluta a canja ga wena uba zvontlhe a nga nazvo, hakunene yena i ta ku rukatela nghoheni ya wena.” 12 Jehovha i no byela Sathani, aku: “Zvontlhe lezvi a nga nazvo zvi canjeni ga wena. Ntsena lezvaku u nga tlhateki a canja ga wena ka yena wutsumbu!” Hikwalaho, Sathani i no suka mahlweni* ka Jehovha.+

13 Makunu ka siku legi a vafana vakwe ni vanhanyana vakwe va nga kari vaga ni kunwa vhinyo ndlwini ya makabye wabye loyi wa nhondzo,+ 14 ku nota a nandza ka Joba gi taku: “A tihomu ti wa kari ti rima, a timbongola na tiga kusuhani nato. 15 Makunu a va ka Xebha va no hi dhumela va teka zvifuyo va tlhela va daya malandza hi cipadha. Ku no pona mina ndzoce kasi ndzi ta ku hlawutela.”

16 Na a ha wulawula, ku nota gin’wani nandza gi taku: “Ku wile ndzilo hi le tilweni na wuta hi ka Nungungulu* wu ta hisa a tiyivhu ni malandza zvi ku bhi! Ku no pona mina ndzoce kasi ndzi ta ku hlawutela.”

17 Na a ha wulawula, ku nota gin’wani nandza gi taku: “A vaKaldheya+ va ti avanyisile hi mitlawa yinharu va dhumela makameli va ma teka va tlhela va daya malandza hi cipadha. Ku no pona mina ndzoce kasi ndzi ta ku hlawutela.”

18 Na a ha wulawula, ku nota gin’wani nandza kambe gi taku: “A vafana va wena ni vanhanyana va wena va wa kari vaga ni kunwa vhinyo lomu ndlwini ya makabye wabye loyi wa nhondzo. 19 Hi citshuketi ku nota mheho ya hombe hi ciwuleni yi taba a mune wa makhona ya yindlu, yi wela a vafana ni vanhanyana yi va daya. Ku no pona mina ndzoce kasi ndzi ta ku hlawutela.”

20 Laha Joba a ngazwa lezvo, i no suka a yima a handzula tinguwo takwe a tlhela a halula hloko yakwe; hi kulandzela, i no ti wisa lahasi a khizama 21 aku:

Jehovha i ndzi nyikile,+ niku Jehovha i ndzi tekele.

Ngha a vito ga Jehovha gi simama ku dhumiswa.”

22 Ka zvontlhe lezvi, Joba a nga wonhangi hambu ku mu lumbeta zvahava Nungungulu.*