Lisimu

67 Nungungulu i ta hi mahela wuxinji a hi katekisa;

I ta hi woningela hi nghohe yakwe+ (Sela)

 2 Kasi a ndlela ya wena yi tiviwa misaveni yontlhe,+

Ni mitiro ya wena ya kuhanyisa matikweni wontlhe.+

 3 A mifumo yi wa ku dhumise, O Nungungulu,

Ina, a mifumo yontlhe yi wa dhumise wena.

 4 A matiko ma wa giye ma kulungela hi kutsaka,+

Hakuva u ta lamula a mifumo hi kululama.+

 5 A mifumo yi wa ku dhumise, O Nungungulu,

Ina, a mifumo yontlhe yi wa dhumise wena.

 6 A misava yi ta humesa a pfuno wa yona;+

Nungungulu, Nungungulu wa hina, i ta hi katekisa.+

 7 Nungungulu i ta hi katekisa,

Niku wontlhe magemeta-musi ya misava ma ta mu chava.*+