Isaya

61 A moya wa Jehovha, a Hosi ya Hombe, wu le hehla ka mina,+

Hakuva Jehovha i ndzi totile kasi ndzi kanela a mahungu ya manene ka lava va kurula.+

I ndzi rumele a ku hanyisa* lava va timbilu ti tshovekileko,

Ni ku huwelela a kutlhatlhiswa ka lava va khomilweko,

Ni ku vhulula a matihlo ya zvibochwa,+

 2 Ni ku huwelela a lembe ga tipswalo* ta Jehovha,

Ni siku ga kuphota ka Nungungulu wa hina,+

Ni ku chavelela vontlhe lava va rilako,+

 3 Ni ku hlayisa lava va rilelako Ziyoni,

Ni ku va nyika ca ku sasekisa a hloko yabye wutshan’wini ga khuma,

Ni mafura ya kutsaka wutshan’wini ga cirilo,

Ni nguwo ya kudhumisa wutshan’wini ga moya wu tshovekileko.

Va ta wuliwa ku tisinya ta hombe ta kululama,

Ti byalilweko hi Jehovha kasi ti mu dhumisa.*+

 4 Va ta aketa a marumbi ya kaleloko,

Va vhuxa zviwula zva kale.+

Va ta akisa madhoropa ma hahlulilweko,+

A matshamu lawa ma nga hi zviwula ka zvizukulwana ni zvizukulwana.+

 5 “A vanhu mu nga va tiviko va ta suka va risa a mitlhambi ya n’wina,

Ni vamatiko+ va ta rima a masimu ya n’wina ni zvivhina* zva n’wina.+

 6 Kanilezvi n’wina mu ta vitaniwa ku mu vapristi va Jehovha.+

Va ta mu vitana ku mu malandza ya Nungungulu wa hina.

Mu taga a titshomba ta matiko,+

Mu ti kulisa hi titshomba* tabye.

 7 Wutshan’wini ga tingana mu ta kuma ciavelo ci wuyetilweko kumbiri,

Wutshan’wini ga ku tsongahatiwa va ta yimbelela hi ku tsakela ciavelo cabye.

 8 Hakuva mina Jehovha ndzi randza a kululama;+

Ndza venga a kuyiva ni kungalulami.+

Ndzi ta va nyika a hakhelo yabye hi kutsumbeka,

Ndzi tlhela ndzi maha navo a civhumelwano ca kala kupindzuka.+

 9 A pswalo* wabye wu ta tiviwa cikari ka matiko,+

Ni vana vabye va ta tiviwa cikari ka mifumo.

Vontlhe lava va to va wona va ta va tiva

Lezvaku i pswalo* wu katekisilweko hi Jehovha.”+

Hakuva i ndzi bohisile a tinguwo ta kuhanyisa;+

I ndzi fenengetile a nguwo* ya kululama,

A ku khwatsi i noivho yi bohako a turbhanti* yo fana ni leyi ya mupristi,+

Ni noivha yi ti sasekisako hi zvilo zva yona zva ku ti sasekisa hi zvona.

11 Hakuva a ku khwatsi hi lezvi a misava yi milisako a tisinya,

Ni lezvi a simu gi milisako a timbewu ti byalilweko ka gona,

Hizvalezvo, na Jehovha, a Hosi ya Hombe,

I ta milisa a kululama+ ni kudhumisa+ mahlweni ka matiko wontlhe.