Hi kutsala ka Matewu

3 Masikwini lawo, Johani+ Mubhabhatisi, i nota a ta chumayela+ ciwuleni ca Judhiya, 2 aku: “Ti soleni hakuva a Mufumo wa matilo wu tshinele.”+ 3 Kunene, loyi hi yena a nga wuliwa hi muphrofeti Isaya+ hi magezu lawa yaku: “Ku zwala gezu ga loyi a huwelelako lomu ciwuleni, aku: ‘Longiselani a ndlela ya Jehovha!* Lulametani maruwa yakwe.’”+ 4 Johani i wa boha tinguwo ta woya ga kameli ni libhandi la cikhumba ciwunwini cakwe.+ I waga humbi* ni wulombe ga khwati.+ 5 A vanhu va Jerusalema ni Judhiya gontlhe ni va matlhelo wontlhe ya Jordhani va waya kakwe,+ 6 va ya wulela zviwonho zvabye, a va bhabhatisa* Congweni wa Jordhani.+

7 A cikhati leci a nga wona a vaFarisi ni vaSadhusi+ vo tala na vata kasi va ta bhabhatiswa, i te ngalo kabye: “N’wina pswalo wa maphiri,+ himani a nga mu tlharihisa lezvaku mu tsutsuma a zanga yi tako?+ 8 Hikwalaho, pswalani mihandzu yi kombako ku ma ti sola. 9 Mu nga ti byeli ku: ‘Hina hi vana va Abrahama.’+ Hakuva ndza mu byela lezvaku Nungungulu wa zvi kota ku mu humesela vana Abrahama hi ka maribye lawa. 10 A chapo gi longile ku tsema tisinya hi le mitswini. Hikwalaho, a tisinya tontlhe ti nga pswaliko mihandzu ya yinene ti ta tsemiwa ti hoxiwa ndzilweni.+ 11 Mina ndzi mu bhabhatisa hi mati hi kota ya kutisola ka n’wina,+ kanilezvi loyi a tako ndzhako ka mina i na ni ntamu a ku hundza mina; ne a ndzi ringanelwi hi ku tlhatlha masandalia yakwe.+ Yena i ta mu bhabhatisa hi moya wo basa+ ni ndzilo.+ 12 I khomile foxola go hehera hi gona, niku i ta swiyela wutshamu gakwe go hulela kona timbewu gi basa khwatsi, a hlengeletela trigo yakwe tshaleni, kanilezvi, a mungu* i ta wu hisa hi ndzilo+ wu nga timekiko.”

13 Andzhako ka lezvo, Jesu i no suka hi Galileya aya ka Johani le Jordhani kasi a ya bhabhatiswa hi yena.+ 14 Kanilezvi i no zama ku ala, aku: “Hi mina ndzi faneleko ku bhabhatiswa hi wena, hikuyini wena u tako ka mina ke?” 15 Jesu i no mu hlamula, aku: “U nga ali, hakuva hi ku maha lezvo hi tatisa kontlhe kululama.” Makunu i no tsika ku mu alela. 16 Zvalezvi Jesu a nga bhabhatiswa i no huma hi lomu matini; a matilo ma no vhululeka,+ a wona a moya wa Nungungulu na wu relela kakwe na wu ku khwatsi cipomba.+ 17 Ku no zwala gezu kambe na gita hi le matilweni,+ giku: “Loyi i N’wana wa mina+ ndzi mu randzako, loyi ndzi xalalako hi yena.”+