Papilo go sangula ka Va Le Korinte

6 Loku a wokari cikari ka n’wina a hi ni mhaka ni mun’wani+ i xinyatisa kuyini aya tribhunali a ya mu kecara ka vanhu va nga lulamangiko a tsika vobasa ke? 2 Mo kala mu nga zvi tivi lezvaku a vobasa va ta lamula a tiko ke?+ Loku ku hi lezvaku n’wina mu ta lamula a tiko, a mu zvi koti ku lamula timhaka ta titsongwani ke? 3 A mu zvi tivi lezvaku hi ta lamula a tingilozi?+ Makunu hi tsandziwa hi yini a ku lamula a timhaka ta loku kuhanya ke? 4 Loku mu hi ni timhaka ta loku kuhanya ti lavako ku xuxiwa,+ hikuyini mu hlawulako vanhu va nga dzundziwiko hi bandla kasi vava valamuli? 5 Ndzi wula lezvi kasi ku mu wisa tingana. Ko kala ku nga hi na munhu wo tlhariha cikari ka n’wina a ringanako ku lamula cikari ka vamakabye vakwe ke? 6 Kanilezvi, a makabye iya tribhunali a ya kecara makabye wakwe ka vangakholwiko!

7 Kunene, mu sina mu hlulilwe loku muza mu ya kecarana tribhunali. Hikuyini mu nga vhumeliko ku gohelwa?+ Hikuyini mu nga vhumeliko ku kalavelwa? 8 Kanilezvi n’wina ma goha ni ku kalavela, lezvo na mu mahela a vamakabye va n’wina!

9 Kona mo kala mu nga zvi tivi lezvaku a vangalulamangiko va nga taga a tshomba ya Mufumo wa Nungungulu ke?+ Mu nga kalavelwi.* A zvibhayi,*+ ni vakhozeli va zvifananiso,+ ni vavanuna lava va ti mahako vavasati,+ ni vavanuna lava va etlelako ni vavanuna-kulobye,*+ 10 ni makhamba, ni lava va makangwa,+ ni zvidhakwa,+ ni lava va rukatelako, ni vaphangi; a vanhu va tshamela lego va nga taga a tshomba ya Mufumo wa Nungungulu.+ 11 Hambulezvo, a van’wani va n’wina va wa hanyisa zvalezvo. Kanilezvi mu no hlazviwa mu basa,+ mu basisiwa,+ mu wuliwa vo lulama+ vitweni ga Hosi Jesu Kristu, ni le moyeni wa Nungungulu wa hina.

12 A zvilo zvontlhe zva vhumelelwa hi nayo* ka mina, kanilezvi a hi zvontlhe zvi vhunako.+ A zvilo zvontlhe zva vhumelelwa hi nayo ka mina, kanilezvi a ndzi tsiki ne ni cin’we ca zvona ci ndzi fumela. 13 A zvakuga zva khwiri, ni khwiri ga zvakuga; kanilezvi Nungungulu i ta fuvisa zvontlhe.+ A miri a hi wa wubhayi* kanilezvi wa Hosi,+ ni Hosi ya miri. 14 Lezvi Nungungulu a nga vhuxa Hosi,+ i ta hi vhuxawo kufeni+ hi ntamu wakwe.+

15 A mu zvi tivi lezvaku a mimiri ya n’wina zviro zva Kristu?+ Makunu ndzi wa ta teka a zviro zva Kristu ndzi zvi tlhanganisa ni cibhayi ke? Kokwihi! 16 Kasi a mu zvi tivi lezvaku loyi a ti tlhanganisako ni cibhayi i maha miri wun’we naco ke? Hakuva Nungungulu i ngalo: “Lava vambiri va tava nyama yin’we”.+ 17 Kanilezvi, loyi a tlhanganisilweko ni Hosi i maha mun’we zvin’we nayo moyeni.+ 18 Tsutsumani wubhayi!*+ Ni cihi ciwonho leci a munhu a ci mahako ci lahandle ka miri wakwe, kanilezvi ni wihi loyi a mahako wubhayi i wonhela a miri wakwe.+ 19 Kasi a mu zvi tivi lezvaku a miri wa n’wina i tempeli+ ya moya wo basa lowu wu nga ka n’wina mu nyikilweko hi Nungungulu ke?+ Ahandle ka lezvo, n’wina a mu lumbi n’wina venyi,+ 20 hakuva mu xavilwe hi ntsengo.+ Hikwalaho, dhumisani Nungungulu+ mirini wa n’wina.+