Mavingu

15 A hlamulo wo olova wu bohlisa khulo,+

Kanilezvi a gezu gi tlhavako* gi vhindlukisa zanga.+

 2 A lirimi la loyi a tlharihileko la gi tirisa khwatsi a wutivi,+

Kanilezvi a nomu wa cipumbu wu chulula a wupumbu.

 3 A matihlo ya Jehovha ma wona matshamu wontlhe,

Ma cuwukisela a vakubiha ni vavanene.+

 4 A lirimi la kurula* i sinya ya wutomi,+

Kanilezvi a kuwulawula ko biha ku vanga kubayisa ka hombe.*

 5 A cipumbu ca kanyisa a kulaya ka papayi wa cona,+

Kanilezvi a munhu a tlharihileko wa vhumela ku kawukiwa.+

 6 Lomu ndlwini ya munhu wa kululama ku tele hi titshomba,

Kanilezvi a bhindzu* ga munhu wa kubiha gi mu vangela zvikarato.+

 7 A minomu ya munhu a tlharihileko yi hangalasa wutivi,+

Kanilezvi a mbilu ya cipumbu a yi mahi lezvo.+

 8 A muphahlo wa munhu wa kubiha cinyenyeko ka Jehovha,+

Kanilezvi a mukhongelo wa loyi a lulamileko wa mu tsakisa.+

 9 Jehovha wa venga a ndlela ya wakubiha,+

Kanilezvi i randza loyi a hlotako kululama.+

10 A kulayiwa ku wonekisa ku khwatsi ku bihile* ka loyi a tsikako ndlela,+

Kanilezvi ni wihi loyi a vengako ku kawukiwa i tafa.+

13 A mbilu yi tsakileko yi n’wayitelisa nghohe,

Kanilezvi a kubayisa ka mbilu ku tshova a moya.+

14 A mbilu yi nga ni kupimisisa yi hlota a wutivi,+

Kanilezvi a nomu wa zvipumbu wuga* a wupumbu.+

15 Wontlhe a masiku ya loyi a karatekileko ma bihile,+

Kanilezvi loyi a nga ni mbilu yi tsakileko* i mubuzweni siku ni siku.+

16 I chukwana kuva ni zvi tsongwani na u chava Jehovha,+

A ku hundza kuva ni titshomba to tala na u karateka.*+

17 I chukwana a ngelo wa matsawu laha ku nga ni lirandzo,+

A ku hundza a homu yi nonileko laha ku nga ni livengo.+

18 A munhu wa cizangazangani i vhuxa maguwa,+

Kanilezvi loyi a nonokako ku zangara wa rulisa a tiholova.+

19 A ndlela ya lolo yi fana ni libhiyo la mimizwa,+

Kanilezvi a ndlela ya valulamileko i ruwa go lulama.+

20 A n’wana a tlharihileko i tsakisa a papayi wakwe,+

Kanilezvi a cipumbu ci kanyisa a mamani wa cona.+

21 A wupumbu litsako ka loyi a nga hava kupimisisa,+

Kanilezvi a munhu loyi a nga ni kupimisisa i famba hi ndlela yo lulama.+

22 A makungo ma tsandzeka loku ku nga hi na mabhulo,*

Kanilezvi ma tiya loku a masungukati ma tele.+

23 A munhu wa tsaka hi ku hlamula zvona,*+

Ni mhaka yi wuliwako hi cikhati ca yona a yo ku tsakisa!+

24 A ndlela ya wutomi yi mu yisa hehla loyi a nga ni wutlhari,+

Kasi yi mu ponisa Cilahleni,* lomu hasi.+

25 Jehovha i ta hahlula a yindlu ya loyi a ti kulisako,+

Kanilezvi i ta tiyisa a mimbhingano ya noni.*+

26 Jehovha wa venga a mano ya loyi wa kubiha,+

Kanilezvi a timhaka ti tsakisako ti basile kakwe.+

27 Loyi a mahako a bhindzu go biha i neha zvikarato* mutini wakwe,+

Kanilezvi loyi a vengako kuxavelelwa i ta simama a hanya.+

28 A mbilu ya loyi a lulamileko yi ranga hi ku pimisa na yi nga se hlamula,*+

Kanilezvi a nomu wa wakubiha wu chulula a zvilo zva hava.

29 Jehovha i kule ni vakubiha,

Kanilezvi wazwa a mikhongelo ya valulamileko.+

30 A matihlo yo ngangamela ma tsakisa mbilu;

A mahungu ya manene ma tiyisa* marambu.+

31 Loyi a ingisako a kukawuka ku nyikako wutomi

I tshama cikari ka vatlharihileko.+

32 Ni wihi loyi a alako ku layiwa i chepeta a wutomi* gakwe,+

Kanilezvi loyi a ingisako a kukawukiwa i kuma kuzwisisa.+

33 A kuchava Jehovha zvi gondzisa munhu a kuva ni wutlhari;+

Na ku nga seta wudzundzo ku ranga a kutikoramisa.+