TITSHOMBA TI NGA KA MHAKA YA NUNGUNGULU

“Hi mina, ruma mina!”

Ngango wa ka Wiliamu wu ti longiselako zonake va rura vaya lomu ku nga ni xilaveko xa hombe

A xikombiso xa Isaya xa ku ti nyikela hi kuziranza xa ringana kuva hi xi tekelela. I kombisile kukholwa a tlhela a tekela ku vumela xiavelo, hambu lezi a nga kala a nga tivi zontlhe zi nga yelana ni xiavelo lexo. (Isa 6:8) U nga cica zokari wutomini ga wena kasi u ya tira lomu ku nga ni xilaveko xa hombe xa vaxumayeli va Mufumo ke? (Tis 110:3) Handle ko kanakana, zi lava ku ranga hi ku “hlayela ntsengo” na u nga se rura. (Lu 14:27, 28) Hambulezo, u nga tsiki ku ti karata ntirweni lowu wa kuxumayela. (Mt 8:20; Mr 10:28-30) Kota lezi zi kombisilweko ka vidiyu Va lo rura va ya tira lomu ku nga ni xilaveko xa hombe xa vaxumayeli, a makatekwa hi ma kumako ntirweni wa Jehova ma tele nguvu.

ANZHAKO KA KU WONA VIDIYU, HLAMULA ZIWUTISO LEZI:

Kutikarata muni loku a va ka Wiliamu va ku mahileko kasi ku ya tira le Equador?
Zini lezi va ehleketileko hi zona a xikhati va nga hlawula ko ya tira kona?
Makatekwa muni va nga ma kuma?
U nga ma kuma kwihi mahungu yo engeteleka xungetako hi ku ya tira lomu ku nga ni xilaveko xa hombe?

KA WUKHOZELI GA NWINA GA NGANGO GI TAKO, BHULISANANI HI ZIWUTISO LEZI:

Hi nga engetelisa kuyini a ntiro wa hina kota ngango? (km 8/11 4-6)
Loku hi nga zi koti ku ya tira lomu ku nga ni xilaveko xa hombe, hi nga gi vunetelisa kuyini a bandla ga hina? (w16.03 23-25)