Lezvi zvi nga ndzeni

Kale ni kale, a ku yimbelela cipandze ca lisima ca wu khozeli ga vanhu va Jehovha. Kanilezvi a vokari va nga tshuka va dhana ku yimbelela mahlweni ka va n’wani. Hi nga gondzisa kuyini ku yimbelela tisimu ta ku dhumisa Jehovha na hi nga chavi? A ndzima leyi yi hi nyika zvigelo zvo zwala zva kuva hi yimbelela hi ntamu yi tlhela yi hi nyika mawonela ma to hi vhuna ku humesa khwatsi gezu a cikhati hi yimbelelako.

Hi kuma zvigondzo zva lisima ka lulamiselo ga mimiti ya wuponelo gi nga hi kona le Izrayeli wa kale. Ka ndzima yo sangula, wona lezvi a vawonhi va nga tsutsumisako zvona nyamutlha va ya fihlala ka Jehovha. Ka leyi ya wumbiri u ta wona lezvi a cikombiso ca Jehovha ci hi vhunisako zvona ku tsetselela van’wani, ku nyika lisima a wutomi, ni ku maha kululama.

A tindzima leti ta timbiri ti seketelwa ka papilo legi Pawule a pimiselweko ku tsalela maKristu ya le Kolosi. Leyi yo sangula yi tlhamusela lezvi hi nga mahako loku hizwa mawonela ya tiko ma nge khwatsi ma zwala. Leyi ya wumbiri yi tlhamusela lezvi hi nga potsisako zvona ku maha zvilo zvi to hi vhalela ku kuma makatekwa ya Jehovha.