Lezi A Biblia Gi Zi Wulako Na Ka Ha Hi Mahlweni Za Tatiseka

A Biblia a gi nyiki mahungu ya lisine ntsena xungetano hi lezi zi mahekileko xikhatini xi hunzileko kanilezi gona gi tlhela gi wula lezi zi to maheka xikhatini xa ha tako. A vanhu a va zi koti ku wula nchumu na ka ha hi mahlweni xungetano hi xikhati xa ha tako. Hi xalexo a xigelo xi hi mahako hi tiva lezaku a Biblia gita hi ka Nungungulu. Gi wula yini Biblia xungetano hi xikhati lexi xa ha tako ke?

Gona gi wulawula hi yimpi ya hombe ya Nungungulu. Ka yimpi leyo Nungungulu i ta basisa a misava hi ku fuvisa wubihi gontlhe ni vanhu vo biha, kanilezi yena i ta vikela lava va mu tirelako. A hosi ya Nungungulu, Jesu Kristu, yi ta maha lezaku a malanza ya Nungungulu ma kuma kurula ni kutsaka, ni ku tlhela ma nga ha tshuki ma babya kutani kufa.

Ha zi kota ku tsaka hi lezi Nungungulu a to maha a paradise giswa misaveni, a hi nge tsaki? Kanilezi hi fanele ku maha xo kari kasi ha fela ku hanya paradiseni lego. Ka tlhatlhambuto wo gumesa wa bhuku legi hi gonza hi lezi hi faneleko ku maha kasi hi fela ku kuma a zilo zo saseka lezi Nungungulu a vekelako lava va mu tirelako. Makunu gonza a XIPANZE 8 u pola lezi a Biblia gi zi wulako na ka ha hi mahlweni xungetano hi xikhati xa ha tako.