Engetela wutlhari ga wena wutirelini​— Vuna zigonzani za Biblia lezaku zi kula kala zi ti hendleleta ni ku bapatizwa

HIKUYINI ZI NGA ZA LISIMA: A zigonzani za Biblia zi fanele ku ti hendleleta ni ku bapatizwa kasi Jehova a xalala hi zona. (1 Pe 3:21) Loku va mahile lezo hi kona va to vikelwa hi tlhelo ga moya hakuva ntsena lava va hanyako kota vanhu va ti hendleletileko hi vona va kumako wuchavelo lego. (Tis 91:1, 2) A muKristu i ti hendleleta ka Jehova — a nga ti hendleleti ka munhu, ntiro, kutani ka hlengeletano. Hikwalaho, a zigonzani zi fanele ku mu ranza nguvu Nungungulu zi tlhela zi ku nyika nguvu lisima a kuzwanana loko. — Ro 14:7, 8.

MAMAHELA YA KONA:

• A xikhati lexi mu gonzako, bhulani hi lezi a mahungu lawo ma zi kombako xungetano hi Jehova. Mu dlunyatisele a lisima la ku lera Biblia siku ni siku ni ku khongela ka Jehova ‘a nga tsiki.’ — 1 Tes 5:17; Jak 4:8

• Kuca xigonzani xa wena lezaku xi ti vekela mixuvo ya ku ti hendleleta ni ku bapatizwa. Tlhatakumbiri, mu vune ku tatisa mixuvo ya laha xikarana, yo kota ku hlamula mitlhanganweni kutani ku xumayela vaakelane zinwe ni vatiri-kuloni. U nga rivali ku Jehova a nga kurumeti munhu lezaku a mu tirela. A kutihendleleta xiboho lexi munhu a mahako hi kuranza kakwe. — De 30:19, 20

• Hlanganyeta a xigonzani xa wena lezaku xi lulamisa lezi zi nga gombonyeka kasi xi tsakisa Jehova xi tlhela xi ringanelwa hi ku bapatizwa. (Mav 27:11) Kota lezi zi kotekako ku ngha a matshamela ni mikhuwo yo kari zi zimile timitsu, a xigonzani xa Biblia xi nga ha lava ku vuniwa nyamutlha ni manziko ni mondlwani kasi xi tlhatlha a wumunhu ga kale xi ambala legi ga giswa. (Efe 4:22-24) Bhula naye hi tinzima ti longoloxiwako ka xaxameto waku “A Biblia ga cica wutomi ga vanhu” ti humesiwako ka Murinzeli

• Mu bhulele a litsako leli u li zwako hi ku tirela Jehova. — Isa 48:17, 18