4, 5. Xana Paule ni vanghana vakwe va rangelisilwe kuyini hi moya wa ku basa?

⁴ A xo sangula, a vapostoli va wa tshama na va rinzele a ku kombiwa laha va nga fanele kuya xumayela kona. Ka xipanze xo kari, hi ta wona lezi Jesu a wu tirisisileko zona a moya wa ku basa kasi ku rangela mupostoli Paule ni vanghana vakwe ka lienzo labye lo karata. (Miti. 2:33) A hi lanzeni hi nkonzo wabye. — Gonza Mitiro 16:6-10.

⁷ Hi kulanzela, a vavanuna lava va lo maha a xiboho xo hlamalisa. A vesi 8 gi ngalo: “Na va hunzile Misia, va lo relela vaya Troasi.” A vavanuna lava va lo djika vaya mupela-gambo, va famba a pfhuka wa 563 wa tikilometro, va tsemakanya madoropa yo tala kala va chikela ka wuchekamelo ga zitimela ga le Troasi, laha ku nga hi nyangwa ya kuya Makedonia. Na va hi wutshanwini lego, Paule ni vanghana vakwe va lo zama kambe, zonake va vumelelwa! A vesi 9 gi komba lezi zi mahekileko hi kulanzela. Gi ngalo: “Ni wusiku ku lo woneka a muwoniso ka Paule, wa wanuna wa le Makedonia a nga yima a mu khongotela, aku: Tlhatuka, uta leno Makedonia, u ta hi vunetela.” Hi kugumesa, Paule i lo tiva laha a nga fanele ku xumayela kona. Hakunene, i lo tsaka nguvu hi lezi a nga kala ku tlhelela nzhako pfhumbeni gakwe! Zalezo, a vavanuna lavo va lo khilela taru vaya Makedonia.