Zakariya

14 “Phela siku la Yehovha la ta, ku nga siku leli leswi va nga ku tekela* swi nga ta yaviwa xikarhi ka wena. 2 Ni ta hlengeleta matiko hinkwawu swaku ma lwa na Yerusalema; doropa li ta tekiwa, minchumu leyi nga ka tiyindlo yi ta tekiwa, vavasati va ta pfinyiwa. Hafu ya lava tshamaka tikweni va ta yisiwa awukaraweni, kambe lava nga ta sala ka doropa, a va nga ta helisiwa.

3 “Yehovha a ta huma a ya lwa ni matiko+ wolawo ku fana ni loko a lwa hi siku la nyimpi.+ 4 Hi siku lolelo minenge ya yena yi ta nyima henhla ka Ntshava ya Mawolivhera,+ leyi nga txuvukana na Yerusalema hi ka tlhelo la le wuxeni; Ntshava ya Mawolivhera yi ta pandziwa hi xikarhi, ku suka awuxeni ku ya awupeladlambu, se ku ta huma nkova wawukulu; hafu ya ntshava yi ta ya anorte,* kasi hafu leyin’wanyani yi ta ya asul.* 5 Mi ta baleka mi ya ka nkova lowu nga xikarhi ka tintshava ta mina, hikusa nkova lowu nga xikarhi ka tintshava wu ta fika ni le Azeli. Mi ta boheka ku baleka, ku fana ni leswi mi nga baleka hi mhaka ya ku tsekatseka ka misava loku nga va kona ka masiku ya Uziya hosi ya le Yuda.+ Yehovha Xikwembu xa mina a ta ta na a li ni vakwetsimi hinkwavu.+

6 “Hi siku lolelo, a ku nga ha ta va ni ku vonakala,+ swilo swi ta nyima ku tirha.* 7 Ku ta va siku la ku hlawuleka, leli nga ta tiviwa swaku i siku la Yehovha.+ A ku nga ta va ni nhlikanhi kumbe wusiku; nimadlambu ku ta va ni ku vonakala. 8 Hi siku lolelo mati ya wutomi+ ma ta huma hi Yerusalema,+ hafu ya wona yi ta ya ka lwandle leli nga awuxeni,+ kasi hafu leyin’wani yi ta ya ka lwandle leli nga awupeladlambu.+ Ma ta huma hi nkama wa malanga ni nkama wa wuxika. 9 Yehovha a ta va Hosi ya misava hinkwayu.+ Hi siku lolelo vanhu va ta gandzela Yehovha ntsena,+ va ta dzunisa vito la yena ntsena.+

10 “Tiko hinkwalu li ta fana na Araba,+ ku sukela aJeba+ ku ya fika aRimoni+ ka tlhelo la sul la le Yerusalema; doropa la Yerusalema li ta kula hikusa vanhu va ta tlhela va yaka ka lona,+ va ta yaka ku sukela ka Nyanghwa wa Benjamini+ ku ya fika ka ndhawu ya Nyanghwa wa Ku Sungula, ni ku ya fika ka Nyanghwa wa le ka Ponta, ni ku suka ka Prediyu* la Ananel+ ku ya fika lani vhinyu la hosi li hambeliwaka kona. 11 Vanhu va ta yaka ka lona; naswona a li nge he pfuki li voniwa nandzu swaku li helisiwa,+ vanhu va Yerusalema va ta tshama na va hlayisekile.+

12 “Yehovha a ta ba vanhu hinkwavu lava lwaka na Yerusalema hi ntungu:+ Nyama ya vona yi ta bola na va nyime hi minenge, matihlo ya vona ma ta bola ka mimbhovo ya wona ni tirimi ta vona ti ta bolela ka minomo ya vona.

13 “Hi siku lolelo Yehovha a ta va dunga tinhloko; mun’wani ni mun’wani a ta khoma voko la mun’wani kutani va ta hlaselana.+ 14 Yuda na yena a ta va kona ka nyimpi aYerusalema; kutani lava nga hlula va ta hlengeleta tshomba la matiko lama nga va rhendzela, ku nga woru, prata ni mpahla ya yinyingi.+

15 “Ntungu wa ku fana ni lowo wu ta tlhela wu wela makavhalu, timeyila,* makamela, timbongolo ni swifuyu hinkwaswu leswi nga ka ndhawu yoleyo.

16 “Mun’wani ni mun’wani lweyi a nga ta pona ka matiko hinkwawu lama telaka ku ta lwa na Yerusalema, a ta famba lembe ni lembe+ swaku a ya gandzela* Hosi, ku nga Yehovha murhangeli wa tintsumi+ ni ku ya ka Fexta la Minchacha.*+ 17 Kambe loko munhu axikarhi ka matiko ya misava a nga yi aYerusalema a ya gandzela Hosi, ku nga Yehovha murhangeli wa tintsumi, a va nge yi kumi mpfula.+ 18 Ni loko vanhu va Gibita va nga fambi, a va nge yi kumi mpfula. Kambe va ta biwa hi ntungu lowu Yehovha a nga ba matiko hi wona lawa ma kalaka ma nga yi ka Fexta la Minchacha. 19 Lexi xi ta va xikhatisu xa xidjoho xa vanhu va Gibita ni xidjoho xa matiko hinkwawu lawa ma kalaka ma nga ti ka Fexta la Minchacha.

20 “Hi siku lolelo, swinsimbani* leswi nga ka makavhalu swi ta tsaliwa marito lama nge: ‘Yehovha wa Kwetsima!’+ Tipanela ta ku sweka hi tona+ leti nga ka yindlo ya Yehovha ti ta fana ni matijela+ lama nga phambheni ka altari. 21 Tipanela hinkwatu ta ku sweka hi tona aYerusalema ni le Yuda ti ta va ta Yehovha murhangeli wa tintsumi naswona ti ta kwetsima, hinkwavu lava yendlaka magandzelo va ta sweka hi tin’wani ta tona. Hi siku lolelo, a ku nga ha ta va ni Mukanana* ka yindlo ya Yehovha murhangeli wa tintsumi.”+