I Yini Kurhandza ka Xikwembu?

Xikwembu xi lava swaku hi hanya hilaha kunga heliki hi kurhula na hi tsakile ka misava leyinga paradeyisi!

Kambe ungaha tivutisa: Swita yendlekisa kuyini? Bibele li vula swaku Mfumu wa Xikwembu wutaswi kota kuyendla leswo naswona xi lava swaku vanhu hinkwavu va djondza hi Mfumu lowu ni makungu ya xona hi vanhu. — Tipisalema 37:11, 29; Esaya 9:7.

Xikwembu xi lava swaku hi pfuneka.

Kufana ni papayi wa munene lweyi ava navelelaka leswinene vana va yena, B’ava wa hina wa le tilweni na yena a navela swaku hi tikhorisa hi ntsaku hilaha kunga heliki. (Esaya 48:17, 18) A tshembisa swaku ‘lweyi a yendlaka kurhandza ka Yena a tshama hilaha kungaheliki.’ — 1 Yohane 2:17.

Xikwembu xi lava swaku hi famba tindleleni ta xona.

Bibele li vula swaku Muvumbi wa hina a lava kuhi “djondzisa tindlela ta yena” akuva “hita famba” ka tona. (Esaya 2:2, 3) A lange ‘vanhu va vito la yena’ swaku kurhandza ka yena kutiviwa amisaveni hinkwayu. — Mintirho 15:14.

Xikwembu xi lava swaku hixi gandzela hi vun’we.

Handle ka kuhambanisa vanhu, wugandzeli leli baseke la Yehovha liva tlhanganisa hi lirhandzu la ntiyiso. (Yohane 13:35) I vamani lava namuntlha va djondzisaka vanhu atindhawini hinkwatu ndlela ya kugandzela Xikwembu hi vun’we? Haku rhamba swaku u kuma nhlamulu hi kutirhisa broxura leli.