Rabeka A Alava Kutsakisa Yehovha

Rabeka a ali wansati lweyi a arhandza Yehovha. Vitu la nuna wa yena akuli Isaka, lweyi na yena a arhandza Yehovha. Xana Rabeka amu tivisi kuyini Isaka? Xana aswi kombise njhani leswaku a alava kutsakisa Yehovha? Ahi voni leswaku aswi yendlise kuyini swoleswo.

Vapsali va Isaka akuli Abrahamu na Sara. Ava tshama tikweni la Kanana, laha vanhu va kona avanga tirheli Yehovha. Kambe Abrahamu a alava leswaku n’wana wa yena a chada ni wansati lweyi a tirhelaka Yehovha. Hikwalahu a rhumi mutirhi wa yena, kunga Eliyezere, leswaku a ya tikweni la Harani, a ya lavela Isaka nsati laha maxaka man’wana ya Abrahamu ama hanya kona.

Eliyezere a fambe ni vatirhi van’wana va Abrahamu naswona va fambe mpfhuka woleha swinene. Nakambe ava ni 10 wa makamela lawa ama rhwale swakudla ni swihiwa. Xana Eliyezere a atamu tivisa kuyini wansati lweyi a atachada na Isaka? Loko Eliyezere ni vatirhi lavan’wana va fikile a Harani, va nyime kusuhi ni xihlovo hikusa Eliyezere a aswitiva leswaku kungalikhale vavasati avataya kha mati kona. A khongele ka Yehovha aku: ‘Loko nokombela ntombhi mati kutani yini nyika, mina ni makamela ya mina, nitaswi tiva leswaku hi yona leyi uyi langeke.’

Kutani Rabeka a fike axihloveni. Bibele yili a asasekile swinene. Loko Eliyezere amu kombele mati yophuza, Rabeka amu hlamule aku: ‘Hi lawa hosi yanga, nita tlhela ni nyika ni makamela ya wena hinkwawu.’ Pimisa hi leswi! Makamela lamanga ni torha maphuza mati manyingi swinene, sweswo swiyendle leswaku Rabeka akha mati manyingi axihloveni. Xana wayi vona ndlela leyi a tirhaka hi matimba ha yona ka foto? — Eliyezere a hlamalisiwi swinene hi ndlela leyi Yehovha a hlamuleke xikhongelo xa yena.

Endzhaku ka leswo, Eliyezere a nyike Rabeka swihiwa swa swinyingi. Rabeka a kombele leswaku Eliyezere ni vatirhi lavan’wana va famba na yena kaya ka vapsali va yena. Loko va fikile, Eliyezere a hlamusele leswaku a rhumiwile hi Abrahamu ni ndlela leyi Yehovha a hlamuleke ha yona xikhongelo xa yena. Ndjangu wa Rabeka wu pfumele leswaku n’wana wa vona a chada na Isaka.

Uswi vonisa kuyini, xana Rabeka a aswilava kuchada na Isaka? — Rabeka a aswitiva leswaku Eliyezere a arhumiwile hi Yehovha. Hi mhaka yoleyo, loko ndjangu wa Rabeka wu vutise leswaku a aswilava kuya Kanana ni ku chada na Isaka, ate: ‘Ina, niti yimisele kufamba’. Hi ku hatlisa a fambe na Eliyezere. Loko va fike Kanana a chade na Isaka.

Leswi Rabeka a yendleke leswi Yehovha a aswilava, Yehovha amu katekisile. Endzhaku ka malembe yotala, Yesu a psaliwe ka ndjangu wa Rabeka! Loko wena hofana na Rabeka u yendla Yehovha a tsaka, yena ata kukatekisa swinene.