DJONDZO 35

Hi Nga Swi Yentxisa Ku Yini Swiboho Swa Swinene?

La Ku Imprimiriwa

Hinkwerhu swi lava hi yentxa swiboho. Ku tala ka swona swi nga khumba wutomi la hina ni wunghanu la hina na Yehovha. Hi xikombiso, swi nga ha lava hi yentxa xiboho xa swaku hi ta tshama kwini, hi ta yi kumisa ku yini male ni swaku hi ta chada kumbe a hi nga ta chada. Loko hi yentxa swiboho swa swinene, hi nga va ni wutomi la ku tsakisa hi tlhela hi tsakisa Yehovha.

1. U nga li tirhisisa ku yini Bibele swaku u yentxa swiboho swa swinene?

Na u nge se yentxa xiboho, khongela u kombela ku pfuniwa hi Yehovha u tlhela u kambisisa Bibele swaku u vona leswi Yehovha a swi pimisaka hi mhaka leyo. (Lerha Swivuriso 2:3-6.) Ka swiyimu swin’wana, Yehovha a hi nyika nawu lowu hi tekelaka ku vona matirhelo ya wona. Loko ku li leswo, swi nga va swinene ku wu yingisa.

Kambe loko ka Bibele ku nga na nawu lowu wu ku byelaka hi ku kongoma swaku u fanele u yentxa yini? Ni ka xiyimu lexo, Yehovha a ta tama a ku kongomisa “andleleni leyi u faneleke u famba hi yona.” (Esaya 48:17) A swi yentxisa ku yini leswo? Bibele li ni matshinya ya minawu lawa ma nga ku pfunaka. Matshinya ya minawu i mintiyiso leyi yi hi pfunaka ku tiva mimpimiso ya Yehovha ni leswi a titwisaka xiswona. Minkama ya yinyingi hi djondza hi leswi Yehovha a titwisaka xiswona loko hi lerha hi leswi swi nga yentxeka khale ka Bibele. Loko se hi tiva leswi Yehovha a titwisaka xiswona hi mhaka ya kona, hi nga swi kota ku yentxa swiboho leswi swi mu tsakisaka.

2. U fanele u pimisa hi yini na u nge se yentxa xiboho?

Bibele li li: “Lweyi wa ku tlhariha a pimisa kahle hi leswi a nga ta swi yentxa.” (Swivuriso 14:15) Leswo swi vula swaku na hi nge se yentxa xiboho, hi fanele hi nyima hi pimisa hi xiboho lexi hi lavaka ku xi yentxa. Nkama u pimisaka hi xiboho xolexo, tivutisi leswi: ‘Hi wani matshinya ya minawu ya Bibele lawa ni nga ma tirhisaka? Hi xini xiboho lexi nga ta ni yentxa ni va ni ku rhula? Xiboho xa mina xi ta va khumbisa ku yini van’wana? Naswona xa lisima hintamu, xiboho xa mina xi ta mu tsakisa Yehovha?’ — Deteronoma 32:29.

Yehovha a ni mfanelo ya ku hi byela leswi nga swinene ni swa ku biha. Loko hi ya hi yi tiva kahle minawu ni matshinya ya minawu ya yena hi tlhela hi tinyimisela ku yi tirhisa, hi djondzisa lipfalu la hina. Lipfalu i nchumu lowu wu hi pfunaka ku tiva swa swinene ni swa ku biha. (Varoma 2:14, 15) Lipfalu leli nga djondzisiwa li nga hi pfuna ku yentxa swiboho swa swinene.

DJONDZA SWIN’WANA

Vona swaku matshinya ya minawu ya Bibele ni lipfalu la hina swi nga hi pfunisa ku yini ku yentxa swiboho swa swinene.

3. Pfumela ku kongomisiwa hi Bibele

Matshinya ya minawu ya Bibele ma hi pfunisa ku yini ku yentxa swiboho? Sixtirani VHIDIYO, mi gama mi bula hi swivutiso leswi landzelaka.

VHIDIYO: Pfumela ku Kongomisiwa Hi Matshinya Ya Minawu Ya Bibele (5:54)

I yini chunseko wa ku tilangela?
Hi mhaka muni Yehovha a hi nyike chunseko wa ku tilangela?
I yini lexi Yehovha a nga hi nyika leswaku xi hi pfuna ku wu tirhisa kahle chunseko wa hina wa ku tilangela?

Leswaku u vona xikombiso xa tshinya la nawu la Bibele, lerhani Vaefeza 5:15, 16. Mi gama mi bula hi leswi u nga swi yentxaka kuva u ‘wu tirhisa kahle nkama wa wena’ leswaku . . .

u lerha Bibele siku ni siku.
u va nuna, nsati, papayi, mamana kumbe n’wana wa munene.
u va kona ka mintlhanganu.

4. Djondzisa lipfalu la wena ku yentxa swiboho swa swinene

Loko ku ni nawu wa ku kongoma hi xiboho lexi hi lavaka ku xi yentxa, swi nga tikomba swi vevuka ku yentxa xiboho xa xinene. Kambe hi nga ku yini loko ku nga na nawu wa ku kongoma? Sixtirani VHIDIYO, mi gama mi bula hi xivutiso lexi landzelaka.

VHIDIYO: “Hlayisani Lipfalu La N’wina” (5:13)

Ka vhidiyo, i yini leswi makwerhu wa xisati a nga swi yentxa kuva a djondzisa lipfalu la yena swaku a yentxa xiboho lexi tsakisaka Yehovha?

Hi mhaka muni hi nga fanelanga hi kombela van’wana swaku va hi yentxela swiboho? Lerhani Vaheberu 5:14, mi gama mi bula hi swivutiso leswi landzelaka:

Hambileswi swi nga ha tikombaka swi vevuka ku kombela van’wana swaku va hi yentxela swiboho, i mpsini leswi hi faneleke hi swi hambanisa hi hoxe?
I mpsini swi nga ku pfunaka swaku u va ni lipfalu la linene u tlhela u yentxa swiboho swa swinene?

Munhu na a fambisa movha axitaratwini. A tirhisa GPS leli li nga ka telefoni swaku li mu komba ndlela leyi a faneleke a famba hi yona. — Ku fana ni mapa lowu wu kongomisaka munhu, lipfalu la hina na lona la hi pfuna ku tiva leswi hi faneleke hi swi yentxa ka wutomi la hina

5. Hlonipha lipfalu la van’wana

Hina vanhu hi hambanile, hi mhaka leyo hi yentxa swiboho swa ku hambana. Hi nga swi kombisa ku yini swaku ha li hlonipha lipfalu la van’wana? Vona swiyimu swimbirhi:

Xa ku sungula: Makwerhu wa xisati lweyi a rhandzaka ku yentxa makiyajem a txintxa a ya ka bandla leli vamakwerhu va vanyingi va xisati va kalaka va nga swi rhandzi ku vona munhu na a yentxe makiyajem.

Lerhani Varoma 15:1 na 1 Vakorinto 10:23, 24, mi gama mi bula hi swivutiso leswi landzelaka:

Hi ku ya hi tindzimana leti, i mpsini leswi makwerhu lweyi a nga swi yentxaka? U nga ku yini loko ko va ni munhu lweyi lipfalu la yena li kalaka li nga mu pfumeleli ku yentxa minchumu leyi lipfalu la wena li ku pfumelelaka ku yi yentxa?

Xa wumbirhi: Makwerhu wa swi tiva swaku Bibele a li vuli swaku swi bihile ku phuza byala, kambe a langa ku kala a nga phuzi. Se a rhambiwa ku ya fexteni lani a vonaka vamakwerhu na va phuza byala.

Lerhani Eklesiasta 7:16 na Varoma 14:1, 10, mi gama mi bula hi swivutiso leswi landzelaka:

Hi ku ya hi tindzimana leti, i mpsini leswi makwerhu lweyi a nga swi yentxaka? U nga ku yini loko wo vona munhu na a yentxa minchumu leyi lipfalu la wena li kalaka li nga ku pfumeleli ku yi yentxa?

U nga swi yentxisa ku yini swiboho swa swinene?

1. Kombela Yehovha swaku a ku pfuna ku tiva leswi u faneleke u swi yentxa. — Yakobo 1:5.

Wansati yelweyi wa mun’we na a yentxa nkambisiso ka Bibele, ka mabuku ya nhlengeletanu, ni ka komputadori.

2. Yentxa nkambisiso ka Bibele ni ka mabuku ya nhlengeletanu, swaku u kuma matshinya ya minawu lawa u nga ma tirhisaka. Naswona u nga tlhela u bula ni Vakreste lava nga ni xiperiyensiya.

3. Pimisa hi leswi xiboho xa wena xi nga ta li khumbisa xiswona lipfalu la wena ni la van’wana.

VAN’WANA VA LI: “U ni mfanelo ya ku yentxa leswi u swi lavaka. Leswi van’wana va swi pimisaka a hi swa lisima.”

Hi mhaka muni hi fanele hi pimisa hi leswi Xikwembu ni vanhu van’wana va titwisaka xiswona?

LESWI HI NGA SWI DJONDZA

Hi nga yentxa swiboho swa swinene loko hi tiva leswi Yehovha a titwisaka xiswona hi mhaka yoleyo, hi tlhela hi pimisa hi leswi swiboho swa hina swi nga ta va khumbisa xiswona van’wana.

Ku kambela leswi hi nga swi djondza

U nga swi yentxisa ku yini swiboho leswi tsakisaka Yehovha?
U nga yentxa yini swaku u djondzisa lipfalu la wena?
U nga swi kombisa ku yini swaku wa li hlonipha lipfalu la vanhu van’wana?

Ni hete djondzo leyi hi diya:

Zama ku yentxa leswi

Pimisa hi xiboho lexi u nga ta lava ku xi yentxa swoswinyana. U tlhela u tirhisa 3 wa minchumu yi nga ka kwadru leli nge: “U Nga Swi Yentxisa Ku Yini Swiboho Swa Swinene?”

Swin’wana:

Swin’wana leswi u nga swi fikelelaka

LOKO U LAVA KU TIVA SWIN’WANA

U nga swi yentxisa ku yini swiboho leswi nga tiyisaka wunghanu la wena ni Xikwembu?

“Endla Swiboho Leswi Kombisaka Leswaku U Xixima Xikwembu” (Murindzi wa 15 ka Abril wa 2011 hi Xitsonga)

Vona swin’wana hi ndlela leyi Yehovha a hi djondzisaka hi yona.

Yehovha A Kongomisa Vanhu Va Yena (9:50)

Vona leswi nga pfuna wanuna mun’wana ku yentxa xiboho xa ku karhata.

Yehovha A Hi Tshembisa Ku Hi Nyika Hinkwaswu Swa Swinene (5:51)

Vona leswi u nga swi yentxaka swaku u tsakisa Yehovha hambiloko a nga hi nyiki nawu wa ku kongoma wa leswi hi faneleke hi swi yentxa.

“Xana U Lava Nawu Wa Bibele Minkarhi Hinkwayo?” (Murindzi wa 1 ka Dezembro wa 2003 hi Xitsonga)