U nga yendla yini swaku djondzo leyi ya Bibele yi ku pfuna?
Vona leswi djondzo leyi ya Bibele yi nga ta yendlisiwa xiswona, u tlhela u sixtira VHIDIYO.
XIYENGE XA KU SUNGULA
Nkama u lunghiselelaka djondzo ya wena, lerha xiyenge xa ku sungula. Lerha swivutiso leswi nga pendiwa (A) ni tindzimana (B) leti kombisaka tipontu ta lisima. U tlhela u lerha ni tindzimana leti nga tsaliwa swaku “lerha.”
XIYENGE XA WUMBIRHI
Marito ya ku sungula (C) lawa ma kumekaka lani ku nge Djondza Swin’wani ma tlhamusela swin’wani leswi nga ta djondziwa. Swinhlokwanamhaka (D) swi kombisa tipontu ta lisima. Djondza tindzimana ni lweyi a ku djondzisaka Bibele, u hlamula swivutiso u tlhela u sixtira mavhidiyo.
Ku ni MAVHIDIYO lawa ma fambisanaka ni leswi djondziwaka. Mavhidiyo man’wani ma kombisa swilo leswi ngo yo humelela hikakunene. Kasi man’wani ma kombisa leswi swi nga ha tshukaka swi humelela.
Vonani mafoto ni ntlhamuselo wa wona (E), u gama u pimisa hi swaku u nga swi hlamulisa ku yini swivutiso leswi taka lani ku nge Van’wani Va Li (F).
XIYENGE XA WUGAMU
Lani ku nge Leswi Hi Nga Swi Djondza ni lani ku nge Ku Kambela Leswi Hi Nga Swi Djondza (G) ku kombisiwa marito ya wugamu ya djondzo. Tsala siku leli u nga heta hi lona ku djondza. Lani ku nge Zama Ku Yendla Leswi (H) ku kombisa leswi u faneleke u swi yendla. Kasi lani ku nge Loko U Lava Ku Tiva Swin’wani (I) ku kombisa swin’wani leswi u nga ha swi lerhaka kumbe ku swi sixtira.
Leswi Nga Ka Buku Leli
|
|
|
|
|
U nga ti kumisa ku yini tindzimana ta Bibele?
Bibele hinkwalu li ni 66 wa mabuku naswona mabuku lawa ma yaviwe hi swiyenge swimbirhi, ku nga Matsalwa ya Xiheberu ni ya Xiaramu (“Textamenti ya Khale”) ni Matsalwa ya Wukreste ya Xigriki (“Textamenti ya Nyuwani”).
Loko ku kombisiwa ndzimana ka buku leli, ku rhanga hi ku vekiwa vito la buku la Bibele (A), ku gama ku landzela ndzima (B), se ku gamesa ndzimana kumbe tindzimana (C).
Hi xikombiso, Yohani 17:3 ku vuliwa buku la Yohani, ndzima 17, ndzimana 3.