“Jiili je tabay yaŋ mbe de egre, amaa hõõgese ɓe go de gayre debaŋ.” (Mat. 26:41b) Wer wããre sen wo, Yeso ngaɓ go ga se de ko hugli naa. Amaa ɓo’ge sug ɓil wããre ɓe sen wo ni lay: Naa mo hay ɗiggi ga naa joŋ yaŋ tum de ẽgre maa joŋ fẽẽre maa de deele wa. Go mẽ’ taŋgu maaga Yeso wãã wããre sen wo mo no, jar maa wer ɓen hay wo go de ha’ge ga koh jag re maa hõnla ɓuy, saara joŋ ge yaŋ de ɓe. (Mat. 26:35) Ɗiggi maaga wãã ne de ɓaara hay mbe de woore. Amaa, á hay bay wo de koge ga de maaga re da’ saara we, saara laa do yaŋ go gesiŋ gus wa. Diŋ wersen so ga Yeso fuŋ sug ɓaara go peel bol de wããre maaga naa da’ ɓil verse maa waran. Ɓlag go diŋ ga, jar maa wer ɓen lag wo go de pũygi ga. De maaga à hay baa Yeso mono, á lag wo mbaara we ti jeŋ ɓe noga daŋ wo yawlà? Jag re sen mono, á raw wo joŋ fẽn maaga á hay wo go de ha’ge ga saara joŋn ge ti boŋ ga mono—á raw wo men Yeso go.—Mat. 26:56. w24.07 14 §1-2

De maaga Adam wo de Efa joŋ wo ɓlagge go mono, á ɓlag wo holaŋ ɓaara go de Pan ɓaara Jeofa. Ti tĩĩgi wer mono, Adam wo de Efa hay wo ɓi feele maa ni Jeofa no. (Lug 3:38) Amaa, de maaga á hoo wo sug ti Jeofa ga mono, à nii ra go ɓi feele se no, saara ya’ da’ weere blam kway so. (Tĩĩ. 3:​23, 24; 4:1) Werga naa diŋ moore Adam wo so mono, naa de fer tayge de Jeofa. (Rom. 5:​10, 11) Ti ɓaŋ maa po, naa de sãy ya’ holaŋ naa de Jeofa ciŋ ni. Kefder po wãã ga wããre maa jag Greg ga wãã ga “ferge tayge” da wããge ga “kol jee hee ɓo go bar ɓo.” Mo maaga ngel naa diŋ ga maŋ ɗiggi maa joŋ mo sen diŋ Jeofa. De ɗeŋ maa hõn ne? Jeofa joŋ maaga holaŋ se de jar téebeere maa de ɓlagge wo mo fer de woore diŋ de yoŋ ɓlagge naan wo go. Á diŋ cooge mopo de fẽn po maaga yoo ɓaara dega’ dega’a. Doo sen nokay, fẽn maaga hay go de yee nen noga go de tawge joŋ mbe maaga à fer da’ge ɓe noga à fer cooge ɓe de maa tigriŋ. w25.02 3-4 §7-8

Apotre Pol wãã ga: “Liŋgi maga jar debaŋ liŋ wo bloo sen mo deŋ kãã ne we.” (2 Kor. 2:​5-8) Sen da wããge ga liŋgi sen hay bag jag joŋre ɓen go see blo se maaga hay suɗgi de wãy pan ɓe, day baan go wer ɓe wãy ɓe mono. (1 Kor. 5:1) Joŋre ɓe maa hõnlà? Maa srog glog ɓe mbiɗ faale ne ɓlagge ɓe no. (Heb. 12:11) Wersen, Pol hã jag liŋgi ne taygen ga: “Fug we ɓil go ne hẽn ti ɓlagge sen so, coɓ we nen ɓe lay”. Kaŋ ti ɓo ga Pol hay bay dage ga taygen mo yãã blo sen le yoo tayge maa ni Jeofan tawa wa. Pol hay dage ga á mo ngaɓ wo go ne blo sen nen wããre ɓaara wo de joŋre ɓaara, ga saara go de fug ɓil ne hẽn ti, lan saara da ne. Joŋre ɓaara de hay hã bawge go ne hẽnbe sen ga taygen go de fruygi ti maaga se fer le mono. w24.08 15 §4; 16-17 §6-8