16 ɛnde me nso mɛyɛ nea edi so yi: Nea mede bɛtwe mo aso ne ahoyeraw, nsamanwaw, ne atiridii, na mo aniwa asɛe na moahodwow.* Mubedua aba nanso ɛbɛyɛ adwumahunu, efisɛ mo atamfo na wobedi.+ 17 Mɛma m’ani asa mo, na mubedi nkogu wɔ mo atamfo anim.+ Wɔn a wokyi mo betiatia mo so,+ na mubeguan bere a obiara ntaa mo so.+

11 Israelfo nyinaa abu wo Mmara so; wɔaman, na wɔantie w’asɛm. Ɛno nti, nnome ne ntam a wɔakyerɛw wɔ nokware Nyankopɔn no akoa Mose Mmara mu no, wode aba yɛn so,+ efisɛ yɛayɛ wo bɔne.