15 Enti ɔbea no kɔyɛɛ nea Elia kae no, na ɔne ne fifo ne odiyifo no nyinaa nyaa aduan dii nna pii.+ 16 Sɛnea Yehowa nam Elia so kae no, esiam a ɛwɔ ahina kɛse mu no ansa, na ngo a ɛwɔ ahina ketewa mu no nso ansa.

22 Yehowa tiee Elia adesrɛ no,+ enti abofra no nkwa* san baa ne mu, na onyanee.*+

24 Ɛnna ɔbea no ka kyerɛɛ Elia sɛ: “Afei na mahu sɛ ampa woyɛ Onyankopɔn nipa,+ na Yehowa asɛm a ɛwɔ w’anom no yɛ nokware.”

36 Bere a aduan afɔre bere duu so anwummere no,+ Elia twiw bɛn afɔremuka no, na ɔkae sɛ: “O Yehowa, Abraham+ ne Isak+ ne Israel Nyankopɔn, ɛnnɛ ma wonhu sɛ wone Onyankopɔn wɔ Israel, na meyɛ w’akoa, na w’asɛm nti na mayɛ eyinom nyinaa.+

38 Ɛnna Yehowa gya tɔ fii soro bae, na ɛbɛhyew ɔhyew afɔre no+ ne anyina no ne abo ne dɔte no, na ɛmaa nsu a ɛwɔ amoa no mu yowee.+

46 Yehowa nsa hyɛɛ Elia den, na ɔde n’ataade kyekyeree n’asen* tuu mmirika, na osian Ahab ho kɔe ara koduu Yesreel.

8 Ɛnna Elia yii n’ataade,*+ na ɔbobɔw de bɔɔ nsu no mu, na nsu no mu pae kɔɔ ha ne ha maa wɔn baanu no faa asaase kesee so twae.+

11 Bere a wɔnam kwan so rekɔ a wɔrekasa no, mpofirim ara na ogya teaseɛnam ne ogya apɔnkɔ+ bɛtetew wɔn baanu ntam, na Elia faa ahum mu kɔɔ soro.*+

17 Afei nso, ɔde Elia honhom ne ne tumi bedi Onyankopɔn anim,+ sɛnea ɛbɛyɛ a ɔbɛdan agyanom koma aba mma so,+ ne asoɔdenfo aba atreneefo nyansa ho, na wasiesie nkurɔfo bi ama Yehowa.”*+

19 Na Yudafo no somaa asɔfo ne Lewifo fii Yerusalem baa Yohane nkyɛn bebisaa no sɛ: “Woyɛ hena?”+ Eyi ne adanse a ɔde mae.

21 Ɛnna wobisaa no sɛ: “Ɛnde na woyɛ hena? Wone Elia+ anaa?” Na ɔkae sɛ: “Ɛnyɛ me.” “Wone Odiyifo no?”+ Ɛnna obuae sɛ: “Daabi!”