13 Yehowa nam n’adiyifo ne adehufo no nyinaa so+ bɔɔ Israel ne Yuda kɔkɔ sɛ: “Montwe mo ho mfi mo akwammɔne ho!+ Afei me mmara nsɛm, m’ahyɛde, ne mmara a mede maa mo agyanom na menam me nkoa a wɔyɛ adiyifo no so de brɛɛ mo no nyinaa, munni so.” 14 Nanso wɔantie, na wɔyɛɛ asoɔden* te sɛ wɔn agyanom a wɔannye Yehowa wɔn Nyankopɔn anni no.+

15 Wɔn agyanom Nyankopɔn Yehowa somaa ne nkoa kɔkasa kyerɛɛ wɔn mpɛn pii, efisɛ na ne man ne n’asɔrefi* no yɛ no mmɔbɔ. 16 Nanso wɔkɔɔ so goruu nokware Nyankopɔn nkoa no ho+ buu ne nsɛm animtiaa,+ na wodii n’adiyifo no ho fɛw+ kosii sɛ Yehowa abufuw baa ne man so,+ kosii sɛ wɔannya ayaresa bio.

25 wɔayɛ saa fi da a mo agyanom fii Egypt asaase so bae no de besi nnɛ.+ Enti mekɔɔ so somaa me nkoa adiyifo no nyinaa baa mo nkyɛn; daa na mesoma wɔn ba mo nkyɛn mpɛn pii.*+ 26 Nanso wɔantie me; wɔanyɛ aso amma me.+ Mmom wɔyɛɛ asoɔden,* na wɔyɛɛ bɔne sen wɔn agyanom mpo!