• 2 Ahene 7:6, 7
    Kyerɛw Kronkron—Wiase Foforo Nkyerɛase

    • 6 Nea ɛbae ne sɛ, na Yehowa ama Siriafo no ate ɔko nteaseɛnam, apɔnkɔ, ne asraafodɔm kɛse nka wɔ wɔn asoɛe hɔ.+ Enti wɔkeka kyerɛɛ wɔn ho sɛ: “Hwɛ! Israel hene akɔbɔ Hitifo ahemfo ne Egypt ahemfo paa ama wɔreba yɛn so!” 7 Ntɛm ara na wɔsɔre guanee anwummere a anim rebiribiri no, na wogyaw wɔn ntamadan ne wɔn apɔnkɔ ne wɔn mfurum hɔ guan gyee wɔn ho nkwa.* Wogyaw asoɛe hɔ saa ara kɔe.

  • Yesaia 31:1
    Kyerɛw Kronkron—Wiase Foforo Nkyerɛase

    • 31 Wonnue, wɔn a wɔkɔ Egypt kɔpɛ mmoa,+

      Na wɔde wɔn ho to apɔnkɔ so,+

      Na wɔde wɔn werɛ hyɛ ɔko nteaseɛnam mu esiane sɛ ɛdɔɔso nti,

      Na wɔde wɔn werɛ hyɛ apɔnkɔ a wɔde kɔ ɔko* mu esiane sɛ wɔn ho yɛ den nti.

      Nanso Israel Kronkronni no de, wɔmfa wɔn ho nto no so,

      Na wɔnhwehwɛ Yehowa akyi kwan.