31 Na ɔka kyerɛɛ wɔn sɛ: “Mommra, mommɛsen nkɔhyɛ baabi a atew ne ho, na monhome kakra.”+ Efisɛ na nnipa pii redi hɔ akɔneaba, enti wɔannya bere mpo annidi. 32 Enti wɔfaa ɔkorow, na wɔde wɔn ani kyerɛɛ baabi a atew ne ho sɛnea ɛbɛyɛ a wobetumi akɔhyɛ hɔ komm.+ 33 Nanso nkurɔfo hui sɛ wɔrekɔ, na nnipa bebree nso tee, na wɔde mmirika fii nkurow no nyinaa mu faa fam koduu hɔ gyaa wɔn.

10 Bere a asomafo no san bae no, wɔkaa nneɛma a wɔayɛ nyinaa kyerɛɛ Yesu.+ Enti ɔfaa wɔn ne wɔn kɔhyɛɛ baabi a atew ne ho, wɔ kurow bi a wɔfrɛ no Betsaida+ mu.