7 Akyiri yi, ne wura yere de n’ani sii no so, na ɔka kyerɛɛ Yosef sɛ: “Wo ne me mmɛda.” 8 Nanso wampene, na ɔka kyerɛɛ ne wura yere no sɛ: “Hwɛ, nea ɛkɔ so wɔ ofie ha nyinaa, me wura agyaw ama me, na ɔde biribiara a ɔwɔ ahyɛ me nsa. 9 Obiara nni hɔ a ɔyɛ kɛse sen me wɔ ofie ha, na ɔmfa biribiara nkame me gye wo, efisɛ woyɛ ne yere. Enti ɛbɛyɛ dɛn na matumi adi amumɔyɛsɛm a ɛte sɛɛ na mayɛ bɔne atia Onyankopɔn?”+

9 Anaa munnim sɛ wɔn a wɔnteɛ no rennya Onyankopɔn Ahenni?+ Mommma wɔnnnaadaa mo. Aguamammɔfo,*+ abosonsomfo,+ awaresɛefo,+ mmarima a wɔma mmarima ne wɔn da,+ mmarima a wɔne mmarima da,+ 10 akorɔmfo, adifudepɛfo,+ akɔwensafo,+ wɔn a wotwa nkurɔfo adapaa,* ne apoobɔfo rennya Onyankopɔn Ahenni no.+

5 Na munim eyi, na mo ara mugye tom sɛ, oguamammɔfo* biara+ anaa obi a ɔde ne ho hyɛ ɔbra fĩ* mu anaa odifudepɛfo biara,+ kyerɛ sɛ, ɔbosonsonni, rennya kyɛfa biara wɔ Kristo ne Onyankopɔn Ahenni mu.+

5 Enti, munkum mo nipadua akwaa+ a ɛwɔ asaase so no, sɛnea ɛbɛyɛ a aguamammɔ,* ɔbra fĩ,* nna ho akɔnnɔ a wontumi nhyɛ so,+ akɔnnɔ bɔne, ne adifudepɛ* a ɛyɛ abosonsom renni mo so.

3 Na eyi ne nea Onyankopɔn pɛ: Ɛne sɛ mo ho bɛtew,+ na moatwe mo ho afi aguamammɔ* ho.+