Nnwom

Monto dwom foforo mma Yehowa,+

Munyi no ayɛ wɔ anokwafo asafo mu.+

 2 Ma Israel nni ahurusi wɔ ne Bɔfo Kɛse no mu;+

Ma Sion mma ani nnye wɔn Hene ho.

 3 Momma wɔmfa asaw nyi ne din ayɛ.+

Momma wɔmfa mpintin ne asanku nto ayeyi dwom* mma no.+

 5 Momma anokwafo nni ahurusi, anuonyam a wɔanya nti;

Momma wɔmmɔ ose wɔ wɔn mpa so.+

 6 Momma Onyankopɔn ho ayeyi nnwom nnyigye wɔ wɔn menewa mu,

Na wonkura sekan anofanu wɔ wɔn nsam,

 7 Sɛnea ɛbɛyɛ a wobetua aman so ka,

Na wɔatwe amanaman no aso;

 8 Na wɔde nkɔnsɔnkɔnsɔn akyekyere wɔn ahemfo,

Na wɔn anuonyamfo nso, wɔde dade mpokyerɛ agu wɔn;

 9 Sɛnea ɛbɛyɛ a atemmu a wɔakyerɛw ato hɔ sɛ ɛbɛba wɔn so no bɛba mu.+