Nnwom

19 Ɔsoro pae mu ka Onyankopɔn anuonyam;+

Ewim nneɛma bɔ ne nsa ano adwuma dawuru.+

 2 Adekyee biara, wɔkasa,

Na anadwo biara, wɔma yenya nimdeɛ.

 3 Wommue wɔn ano, wɔnte wɔn anom kasa,

Na wɔnte wɔn nne nso.

 4 Nanso yɛte wɔn nka wɔ* wiase nyinaa,

Na wɔn nsɛm du asaase ano baabiara.+

Onyankopɔn asi ntamadan ama owia wɔ ɔsoro;

 5 Ɛte sɛ ayeforokunu a ofi n’ayeforo dan mu repue;

Edi ahurusi te sɛ ɔhoɔdenfo a ɔretu mmirika.

 6 Ɔhyɛ n’akwantu ase wɔ ɔsoro ano,

Na okowie wɔ ɔfã noho;+

Ɔhyew a efi mu ba de, baabiara nni hɔ a entumi nnu.

 8 Yehowa ahyɛde teɛ, na ɛma koma di ahurusi;+

Yehowa mmara nsɛm ho tew, na ebue nnipa ani.+

10 Ɛyɛ akɔnnɔ sen sika kɔkɔɔ;

Ɛsen sika kɔkɔɔ amapa* mpo.+

Ɛyɛ dɛ sen ɛwo,+ ɛwo a ɛsosɔ fi ɛwokyɛm mu.

11 Ɛno na ɛbɔ w’akoa kɔkɔ;+

Nea odi so no nya akatua kɛse.+

13 Hwɛ w’akoa na manyɛ aniammɔnho;+

Mma ennni me so.+

Ɛba saa a, me ho remma asɛm,+

Na mɛde me ho afi anidaho bɔne* ho.

14 O Yehowa, me Botan+ ne me Gyefo,+

Ma m’anom nsɛm ne me komam nsusuwii nyɛ wo fɛ.+