Dɛn na Ɛma Wohu sɛ Asi Obi Yiye?

Nsɛm a ɛdidi so no bɛma woahu w’adwene. Ɛnyɛ nsɛm a ɛsisii paa, nanso wo deɛ dwene ho hwɛ.

Hena na wobɛka sɛ asi no yiye paa?

• 

  ALEX

  Alex wɔ ɔno ara n’adwuma. Ɔdi nokware, ɔmfa n’adwuma nni agorɔ, na ɔbu adeɛ. Alex adwuma no rekɔ yiye, enti ɔne n’abusua wɔ ahotɔ paa.

• 

  CAL

  Cal nso kura n’ankasa adwuma, na ɔnya sika mpo sen Alex. Akansie nti sɛ́ Cal te n’adwumam ara ni. Wei nti ɔtaa yareyare.

• 

  JANET

  Janet nso wɔ ntoaso sukuu. Ɔyere ne ho sua ade; adesua yɛ no dɛ paa. Enti sukuu yɛ nsɔhwɛ a, ɔtwa kɛse.

• 

  ELLEN

  Ellen aben paa wɔ sukuu kyɛn Janet, na afe biara ɔnya abasobɔde. Nanso ɔwia nsɔhwɛ mu, na n’ani nhyɛ da nnye sukuu ho.

Hena na woyii no sɛ asi no yiye? Sɛ woyii Cal ne Ellen anaa nnipa nnan no nyinaa a, ɛkyerɛ sɛ deɛ wogyina so bu obi sɛ asi no yiye ne nea watumi ayɛ; ɔkwan a ɔfaa so yɛe deɛ, wonhwɛ hɔ.

Nanso Alex ne Janet na woyii wɔn a, ɛnde nea wogyina so kyerɛ sɛ asi obi yiye ne ne suban ne sɛnea ɔyɛ n’adwuma. Sɛ saa koraa a, ɛnyɛ bɔne. Wo deɛ hwɛ asɛm yi:

• Enti wohwɛ a, dɛn na ɛbɛma asi Janet yiye daakye? Sɛ́ nsɔhwɛ du a ɔbɛtumi atwa kɛse paa, anaasɛ n’ani bɛgye adesua ho?

• Wohwɛ a, dɛn na ɛbɛboa Alex mma? Sɛ́ wɔbɛnya sika atɔ biribiara a wɔpɛ, anaasɛ wɔn papa bɛnya adagyew ama wɔn?

Yɛbɛtwa no tiaa a, obi pɛ din a, ɔbrɛ gu kwa; obi de nneɛma papa sisi n’ani so a, ɛnna ɛsi no yiye.