“Fa Biribi Hyɛ Wo Nsam Ma Yehowa”

Yɛbɛyɛ dɛn de ‘biribi ahyɛ yɛn nsam abrɛ Yehowa’? (1Be 29:5, 9, 14) Wohwɛ nea edidi so yi a, wubehu akwan a wubetumi afa so ayi ntoboa de aboa adwuma a Yehowa Adansefo yɛ wɔ wɔn asafo ahorow mu ne wiase nyinaa no.

• 

  WIASE NYINAA SOM ADWUMA

  yɛde sisi baa dwumadibea ahorow ne mmeae a wɔkyerɛ kasa ase. Afei dwumadi biara a ɛkɔ so wɔ mmeae a ɛte saa no, yɛde sika yi bi na etua ho ka

  yɛde boa teokrase sukuu ahorow

  yɛde boa bere nyinaa som adwuma titiriw asomfo

  yɛde boa wɔn a atoyerɛnkyɛm ato wɔn

  yɛde tua nhoma a yetintim, video ahorow a yɛyɛ ne nneɛma a yɛde gu intanɛt so ho ka

• 

  ƐKA A WƆBƆ WƆ ASAFO NO MU

  yɛde tua nneɛma te sɛ kanea, nsu ne Ahenni Asa asiesie ho ka

  yɛde tua sika a asafo no abɔ wɔn tirim sɛ wɔde bɛmena Betel ma wɔde ayɛ nea edidi so yi:

  • Ahenni Asa ne Nhyiam Asa a wosisi wɔ wiase nyinaa

  • Asafo Nsiakyibaa Foto

  • nnwuma foforo a yɛyɛ wɔ wiase nyinaa

ƆMANTAM NE ƆMANSIN NHYIAM AHOROW

Sɛ wuyi ntoboa sɛ wɔmfa mmoa ɔmantam nhyiam a wopɛ sɛ wokɔ a, yɛde ka wiase nyinaa adwuma foto no ho. Efisɛ sika a ɛwɔ wiase nyinaa adwuma foto no mu no, ɛno bi na yeyi de tua ɔmantam nhyiam, nhyiam titiriw ne amanaman ntam nhyiam ahorow ho ka.

Ntoboa a woyi de boa ɔmansin no, yɛde bi han baabi a wɔyɛ ɔmansin nhyiam. Afei dwuma a wodi wɔ hɔ, ɛhɔ asiesie, ne ɛka foforo biara a ɔmansin no bɔ no, wɔde saa sika no bi na etua. Sɛ ɔmansin bi sika dɔɔso sen nea wohia a, ebia wobetumi asi gyinae de bi akɔboa wiase nyinaa adwuma a Yehowa Adansefo yɛ no.