Hena Na Obeyi Ɔhene No Ayɛ?

“Mɛma wo so, me Nyankopɔn, ɔhene, na mehyira wo din daa daa! Mehyira wo daa nyinaa, na meyi wo din ayɛ daa daa!”​—Dw. 145:1, 2.

 1.Dɛn na Ɔhene Dawid kae wɔ Yehowa ho sɛ Ɔhene, na dɛn ntia?

ƆHENE Dawid kyerɛw ayeyisɛm maa ne soro hene, Yehowa Nyankopɔn. Ebinom fam no, ɛbɛyɛ te sɛnea ɛyɛ nwonwa sɛ obi a ɔyɛ ɔhene wɔ asase so bɛpae mu akamfo nnipa foforo sɛ ɔno ankasa ne hene a ɔkyɛn so. Nanso na Dawid wɔ biribi pa a enti ɔyɛɛ saa. Na ne nsɛm no fi anisɔ a ɔwɔ ma saa hene, Yehowa no mu. Na Dawid wɔ ahobrɛase wɔ saa ɔhene yi anim a nyansa wom. (Yak. 3:13) Na Dawid yɛ Yehowa somfo nokwafo, na na ɔne “ Ahene wura” yi wɔ abusuabɔ a emu yɛ den.​—Dan. 2:47.

2, 3. (a) Dɛn ne ayeyisɛm a Dawid kae wɔ Yehowa ho a ɛwɔ Nnwom no ho nhwɛso horow bi? (b) Dɛn ne nsɛm bi a Dawid kae wɔ 1 Beresosɛm a ɛfa Yehowa ne Ɔhene a ɔyɛ no ho?

² Ɛdenam nsɛm pii a Dawid kae wɔ kyerɛwnsɛm no mu no so no, yetumi hu nea ɛma onyaa ne hene, Yehowa Nyankopɔn, ho anisɔ kɛse saa no. Dwom 19 da Dawid anisɔ ma Yehowa sɛ Ɔbɔdeɛ, Mmarahyɛfo ne Ogyefo no adi. Dwom 24 pae mu ka sɛ Yehowa ne asase yi Wura ne Ohene nuonyamfo, Tumfoɔ no. Wɔ Dwom 103:19 no, Dawid kyerɛ ɔhene a Yehowa yɛ no ho anisɔ, efisɛ: “Yehowa de n’agua asi soro, na n’ahenni di ade nyinaa so.” Afei frɛ abɔfo ne nnipa sɛ wonhyira Yehowa anaasɛ wonyi no ayɛ. Dawid aseda dwom a wɔakyerɛw wɔ 1 Beresosɛm 16:8-36 no si Yehowa ho anisɔ a Dawid wɔ no so dua.

³ Ɛde rekɔ Dawid ahenni no awiei no, ɔdaa ne nkate wɔ asetra mu nyinaa adi wɔ ‘ne mamfo nyinaa anim, se: “Nhyira ne wo, Yehowa, yɛn agya Israel Nyankopɔn fi daa kosi daa! Wo Yehowa na kɛseyɛ ne mmaninyɛ ne anuonyam ne nimdi ɛne aseda wɔ wo, na nea ɛwɔ ɔsoro ne asase so nyinaa wɔ wo! Wo, Yehowa, na ahenni wɔ wo, na wo na woama wo ho so di ade nyinaa so ti! Na ahonya ne anuonyam fi wo anim, na wo na wudi ade nyinaa so, na wo nsam na ahoɔden ne mmaninyɛ wɔ, na nnipa nyinaa kɛseyɛ ne denhyɛ wɔ wo nsam! Na afei, yɛn Nyankopɔn, yɛn de yɛda wo ase, na yeyi wo anuonyam din no ayɛ!”​—1 Be. 29:10-13.

AHENNI HO ƆSƐMPƆW NO

 4. Dɛn na ɛbae wɔ Samuel nna no mu a ɛmaa Israel benyaa ɔhene a ɔyɛ ɔdesani, na ɔkwan bɛn so na aman a wɔatwa Israel ho ahyia no bɛyɛɛ afiri maa wɔn?

⁴ Ɔhene a Yehowa yɛ no bɛyɛɛ asɛm wɔ Israel bere tiaa bi ansa na wɔrewo Dawid. Ná ɛrekɔ bere a Samuel de dii dwuma sɛ ɔtemmufo no awiei, sɛnea yehu wɔ 1 Samuel 8:4-20 no. Nanso, dɛn na ɛkaa nkurɔfo a na Yehowa ne wɔn wɔ apam no ma wobisaa ɔhene a obedi wɔn so na wɔnam saa yɛ so pow Yehowa? Wɔka kyerɛɛ Samuel sɛ wɔpɛ sɛ wɔyɛ sɛ aman a aka no nyinaa. Yehowa nam Samuel so bɔɔ wɔn kɔkɔ wɔ nea wobehyia no ho, sɛ wɔpɛ sɛ wɔyɛ sɛ aman a aka no denam ɔdesani hene a obedi wɔn so no so a. Nokwarem no, wodii yiye koraa bere a na Yehowa yɛ wɔn hene no.​—Hwɛ Deuteronomium 4:7 nso.

 5. Ɔkwan bɛn so na ahenni ho asɛm bɛyɛɛ asɛm wɔ Gideon nna no mu?

⁵ Na asɛm no asɔre pɛn wɔ Israel bere a Yehowa maa nkurɔfo a Gideon di wɔn anim no dii Midian so nkonim no. “Na Israel mmarima no see Gideon sɛ: di yɛn so, wo ne wo ba ne wo ba ba nyinaa, na woagye yɛn afi Midianfo nsam! Na Gideon see wɔn sɛ: Me de, merenni mo so, na me ba nso nnni mo so: Yehowa na onni mo so.’ (Ate. 8:22 23) Nokwaredi mu no Gideon bɔɔ Israelfo no abisade no gui na osii ɔhene a Yehowa yɛ wɔ wɔn so no so dua. Nanso, Gideon wui no akyi bere tiaa bi no, ne mmabarima no mu baako a wɔfrɛ no Abimelek kunkum ne nuanom dodow no ara na ɔde ne ho sii hɔ sɛ ɔhene, nanso ne tumidi no ankyɛ na n’awiei yɛɛ awerɛhow. (Ate. ti 9) Ná .wonim abakɔsɛm yi yiye wɔ Israel. Ɛda sɛnea na wɔama ɔhene a Yehowa yɛ no ho aba asɛm wɔ mfehaha no mu adi. Afei nso, saa bere yi nyinaa mu no na hokwan wɔ hɔ ma obiara ada ne nokwaredi ma Yehowa sɛ ɔhene no adi.

 6. Dɛn na mfitiase abakɔsɛm da no adi wɔ ahenni ho, na Yehowa ka siei sɛ nneɛma bɛkɔ akowie dɛn?

⁶ Onyankopɔn Asɛm da no adi sɛ na wiase aman no wɔ wɔn ahene bere tenteenten. Nsuyiri no akyi bere tiaa bi no wɔhyehyɛɛ nnipa ahenni ahorow a ɛko tia Yehowa, sɛnea Genesis 10:8-12 da no adi no. Eyi bae wɔ Satan Ɔbonsam a mfiase no ɔsɔre tiaa teɛ a Yehowa nniso teɛ denam atua a ɔtew tiaa Yehowa na ɔhwehwɛɛ sɛ ɔtwe abɔde afoforo fi Yehowa som ho so no nkɛntɛnso ase. Na Yehowa ama ɔbɔnefo no bere ma ɔde akyerɛ nokware a nea ɔka no yɛ. Na na wakyerɛ sɛnea asɛm no bɛkɔ akowie nso.​—Gen. 3:15.

YEHOWA KƐSEYƐ FATA AYEYI

 7 (a) Dwuma bɛn na Yehowa honhom dii wɔ Dawid asetra mu? (b) Ɔkwan bɛn so na Dwom 145 da adi kɛse?

⁷ Samuel na, wɔ Yehowa akwankyerɛ ase no, ɔsraa Dawid. “Na Yehowa honhom sii Dawid so fi da no ara rekɔ no.” (1 Sam. 16:12, 13) Dawid yɛɛ nhwɛso fɛfɛ wɔ sɛnea Yehowa honhom di dwuma wɔ n’anokwafo so no ho. Onyankopɔn honhom na ɛkaa Dawid ma ɔkyerɛw nnwom ahorow a oyi Yehowa ayɛ wom no pii. (2 Sam. 23:2) N’ayeyi nnwom a ɛyɛ dɛ sen biara no mu biako ne Dwom 145. Saa dwom yi kamfo Yehowa papayɛ, ne kɛseyɛ, mmaninyɛ, trenee, wɔ a ɔwɔ hɔ daa a ne kɛseyɛ mu nni hwehwɛbea ne ne mmɔborohunu na ehyira no anaasɛ eyi no ayɛ. Nea ɛkyerɛ obu a na Yudafo nhomanimfo wɔ ma saa dwom yi ne nokwasɛm a ɛyɛ sɛ epue mprɛnsa wɔ wɔn da biara da nyamesom mu nnwom ahorow a ɛyɛ mpaebɔ no mu. Wɔ Hebri mu no, wɔfrɛ nnwom nhoma no Tehillim’, a ɛkyerɛ “Ayeyi Ahorow.” Dwom 145 nkutoo ne dwom a atifi asɛm ne “Ayeyi Dwom,” na ɛwɔ ne biako kabea mu.

 8. Dɛn na gyinae a osii sɛ obeyi Yehowa ayɛ daa no kyerɛ?

⁸ Saa dwom yi nkyekyem ahorow a edi kan pɛɛ no yɛ nea anigye ne anisɔ ayɛ no ma:

“Mɛma wo so, me Nyankopɔn, ɔhene, na, mehyira wo din daa nyinaa, meyi wo din ayɛ daa daa.” (Dw. 145:1, 2)

Bible asekyerɛfo taa kyerɛ gyinae a Dawid sii sɛ obeyi Onyankopɔn din ayɛ “daa daa” no ase sɛ ɛkyerɛ bere tenten a Dawid te ase. Nanso, so nkyerɛase foforo nna adi wɔ gyinae a Dawid sii no mu anaa? Sɛnea ɛbɛyɛ na obi atumi ayi Onyankopɔn din ayɛ daa no, ebehia sɛ onii tra ase daa. So Dawid nni daa nkwa a obenya ho anidaso? Nokwarem no nnɛ, “nnipakuw kɛse” a wɔyɛ “nguan foforo” no mufo no wɔ saa anidaso no ara sɛ kuw, sɛ wobetumi ahyira Yehowa din na wɔayi no ayɛ daa esiane sɛ wɔrennwu mfi asase so nti.​—Sef. 2:3; Yoh. 11:26; Adi. 7:14-17; 21:4.

 9. Dɛn na yebetumi aka wɔ Yehowa nnwuma a yɛbɛte ase awie no ho?

⁹ Dawid ayeyi dwom no kɔ so sɛ:

“Yehowa sõ, na ɔsɛ ayeyi kɛse, ne kɛseyɛ mu nni hwehwɛbea.” (Dw. 145:3)

Yehowa kɛseyɛ ho adanse no wɔ hɔ ma adesamma nyinaa fi bere a wɔbɔɔ wiase. (Rom. 1:20) Nanso, ne kɛseyɛ ne n’adebɔ nnwuma a wɔn nyinaa nya ho mfaso no nyinaa akyi no, nnipa kakraa bi na woyi Yehowa ayɛ nokwarem. Nokwarem no, Yehowa sõ na nneɛma a wayɛ no nso yɛ nwonwa araa ma ɛde besi nnɛ da yi mpo nneɛma a wabɔ no mu kakraa bi pɛ na adesamma atumi afi ase sɛ wobesua ho ade. Agyapanyin Hiob nyaa anisɔ ‘te sɛ Dawid, efisɛ ɔkaa Onyankopɔn ho asɛm sɛ “Nea ɔyɛ ade kɛse a enni nhwehwɛmu, anwonwade nso a wontumi nkan no.” (Hiob 5:9; Hiob 9:10; 26:14) Ɔsomafo Paulo, bere a ɔkaa Onyankopɔn atirimpɔw ahorow a anuonyam wom ho asɛm akyi no, ɔpaee mu kae sɛ: “O Onyankopɔn‘ ahonya ne nyansa ne nimdeɛ bun a emu dɔ! Wɔrenhu n’atemmu mu pɛɛpɛɛ, na wɔrenhu n’akwan akyi hwehwɛ nwie da!”​—Rom. 11:33, 34.

10. Ɔkwan bɛn so na “awo ntoatoaso” biako aka Yehowa nnwuma akɛse ho asɛm akyerɛ “awo ntoatoaso” foforo?

¹⁰ “Awo ntoatoaso kamfo wo nnwuma kyerɛ nkyirimma, na wɔka mmaninne.” (Dw. 145:4)

Yiw, awo ntoatoaso horow abɛsen kɔ, na wɔn mu binom aka Yehowa kɛseyɛ ho asɛm. Nanso, so yɛrentumi nka nso sɛ nkaefo a wɔasra wɔn no yɛ “awo ntoatoaso” biako a akamfo Yehowa nnwuma akyerɛ “awo ntoatoaso” foforo, “nnipakuw kɛse” a wɔyɛ “nguan foforo” no mufo, na eyinom nso, aka Yehowa mmaninne ho asɛm akyerɛ afoforo anaa? Akyinnye biara nni ho! Ɛdenam Onyankopɔn Asɛm no ho yiye a, yesusuw no so no, sɛ yɛyɛ honhom mu “awo ntoatoaso” no mufo o, yɛyɛ asase so de no mufo o, yɛabehu Yehowa nnwuma akɛse ne ne mmaninne yi. Hokwan bɛn ara na ɛyɛ sɛ yɛbɛka saa nneɛma yi ho asɛm akyerɛ afoforo! (Hwɛ nhwɛso a Dawid yɛe sɛ ɔkaa Yehowa mmaninne ho asɛm kye fɛe wɔ Dwom 68 no.)

11. Ɔkwan bɛn so na yɛkyerɛ sc yedwen Yehowa kɛseɛ ne ne nnwuma ho?

¹¹ “Medwen wo anuonyam a ɛharan no kɛseyɛ ne wo anwonwasɛm no ho.” (Dw. 145:5)

Sɛ yebeyi yɛn Bɔfo no ayɛ yiye a, ɛsɛ sɛ yedwen n’anuonyam ne ne nnwuma a ɛyɛ nwonwa no ho na yenya ho anisɔ yɛn komam. (Mat. 12:34) Wokyerɛ eyinom ho anisɔ dɛn? So wugye bere sua nneɛma a Onyankopɔn aka akyerɛ wɔ n’Asɛm mu no? Bere a woyɛ saa no so wudwen ho ma ɛkɔ wo mu yiye sɛnea ɛbɛyɛ na aka w’adwenem daa anaa? Sɛ yɛntee ase yiye na sɛ yenni Yehowa ho dɔ ankasa a, yɛbɛyɛ dɛn atumi akamfo Yehowa Nyankopɔn anaasɛ yɛayi no ayɛ? Yehowa anuonyam ne ne kɛseyɛ ho anisɔ a yenya no boa yɛn ma yɛde anigye, nsiyɛ ne akokoduru ka Ɔhene kɛse no ho asɛm.

12. Dɛn nti na eye sɛ yesusuw Yehowa anwonwade ho na yɛka ho asɛm?

¹² “Na wɔka wo maame a ɛyɛ hu no tumi [ho asɛm], ne mɛka mo adekɛse makyerɛ.” (Dw. 145:6)

A, yiw, pii wɔ hɔ a yebetumi aka akyerɛ. Ɛdenam Kyerɛwnsɛm no so no wɔda nneɛma a ɛyɛ nwonwa pii adi akyerɛ yɛn a ɛma yehu Yehowa tumi a ɔde boa ne nkoa anokwafo na ɔde tua wɔn a wɔyɛ wɔn ho Onyankopɔn atamfo no. Saa nnwuma akɛse a atwam no te sɛ nkɔmhyɛ mfonini ahorow na ɛyɛ nkyerɛkyerɛ ɛsɛ sɛ adesamma awo ntoatoaso yi nya. Yiw, “dodow a wɔakyerɛw kan no, wɔakyerɛw ama yɛn kyerɛkyerɛ, sɛ yɛmfa Kyerɛw no boasetɔ ne awerɛkyekye so nnya anidaso.” (Rom. 15:4) Saa nneɛma no a wɔka ho asɛm wɔ baguam no yɛ ɔsom a wɔsom na woyi ɔdɔ adi kyerɛ afoforo. Ɛbɔ wɔn kɔkɔ wɔ Yehowa atirimpɔw ahorow wɔ nna a ɛreba no ho. Wɔn a wɔka kyerɛ no nya ho mfaso te sɛ nea wɔka kyerɛɛ ɔwɛmfo a wɔka ne ho asɛm wɔ Hesekiel 3:17-19 no. “Ahohiahia kɛse” a ɛreba no nso bɛma Yehowa kɛseyɛ ada adi wɔ n’atirimpɔw a wɔada no adi ho dwuma a obedi mu. Enti momma yɛmpae mu nka bere tenten a Yehowa ma kwan wɔ nneɛma nhyehyɛe yi mu no. Yebetumi asuasua ɔkwan a Yesu Kristo nam so de Onyankopɔn kɔkɔbɔ asɛm no mae no.​—Mat. 10:28-30; Luka 19:41-44.

13, 14. (a) Dɛn nti na ɛsɛ sɛ wɔka Yehowa papayɛ ho asɛm? (b) Dɛn nti na ɛsɛ su wudi ahurusi?

¹³ “Wɔworo wo papayɛ bebrebe no nkae, na wɔto wo trenee ho ahurusidwom.” (Dw. 145:7)

Ɛnyɛ Yehowa tumi kɛse no ho asɛm nko na ɛsɛ sɛ yɛka kyerɛ wiase no, na mmom ɛsɛ sɛ yɛka ne papayɛ ne ne trenee nso ho asɛm. Abakɔsɛm nyinaa mu no Yehowa Nyankopɔn ayɛ ne nkoa yiye. Bere biara a wɔde nokwaredi som no no, wɔn nsa kaa nhyira pii. Ɛde besi nnɛ da yi no, papayɛ a Yehowa yi adi kyerɛ wɔn a wɔdɔ no no ada adi kɛse, na ɛka wɔn ma wɔbɛyɛ te sɛ asuten a ɛworo bere nyinaa. Ayeyisɛm a ɛte sɛɛ betumi ama afoforo pii ahu Yehowa papayɛ bebrebe no. Na ti a woti mu ka no mpɛn pii no boa ma ɛka adwenem. Ɛyɛ nhyira ankasa, na ɛboa yɛn sɛnea ɛbɛyɛ na yɛn werɛ remfi sɛnea Yehowa ne ne nkurɔfo di no. Ɛho wɔ mfaso ankasa sɛ yɛbɛpae mu aka Yehowa papayɛ wɔ yɛn ho no ho asɛm baguam.

¹⁴ So yenni nea enti a ɛsɛ sɛ yedi ahurusi mprempren? Ɛdenam Adam so no yɛn nyinaa bɛyɛɛ abɔnefo ma wobuu yɛn kumfɔ. (Rom. 5:12) ‘Nanso wɔ ne trenee mu no. ‘Yehowa yii ɔdɔ kɛse adi kyerɛe sɛ ɔyɛɛ nhyehyɛe a adesamma nam so betumi afi ɔhaw yi mu. Eyi nam Yesu Kristo ogye afɔre no so. Ɛdenam Yehowa Asɛm a wɔnkyerɛw no so no yɛabehu ne trenee kwan ne sɛnea ɔne mma a wɔwo asase so no di. Ɛyɛ anigye sɛ yehu saa nneɛma yi, na na nokwarem no, ɛyɛ biribi a enti yebetumi adi ahurusi wɔ Yehowa mu. Ɛfata sɛ yedi Ɔhene Dawid ɔteɛɛm kae sɛ “me de, m’ani da wo adɔe so, me koma bedi wo nkwagye mu ahurusi, mɛto Yehowa dwom sɛ wayɛ me yiye” no nhwɛso akyi.​—Dw. 13:5, 6.

15. Yehowa mmɔborohunu, ne boasetɔ ne ɔdɔ ho nhwɛso horow bɛn na yɛwɔ?

¹⁵ “Yehowa yɛ ɔdomfo ne mmɔborohunufo abufuwyɛ mu nyaa ne adɔepɛ mu kɛse. Yehowa ye ma nnipa nyinaa, na ne mmɔborohunu wɔ ne nnwuma nyinaa so.”(Dw.145:8, 9)

Wɔ adesamma abakɔsɛm mfiase hɔ no, Yehowa daa ne su horow a ɛyɛ nwonwa no adi kyerɛɛ adesamma abusua no bere a odii n’atirimpɔw ho dwuma de gyee adesamma mu nnipa bi no. Yehowa kwan yi daa adi wɔ nsuyiri bere no mu. (1 Pet. 3:20) Ɛda adi sɛ Yehowa yii mmɔborohunu adi kyerɛɛ Dawid ma enti na ɛfata sɛ oyi Yehowa ayɛ. Hwɛ sɛnea Yesu kae yɛn Yehowa dɔ sɛnea yehu wɔ nsɛm a wɔakyerɛw wɔ Yohane 3:16, 17 mu no! Eyi ho anisɔ ka yɛn ma yeyi Yehowa ayɛ, na ɛka yɛn ma yɛdɔ afoforo. Ɔsomafo Yohane susuw ho saa kwan yi so sɛ: “Eyi mu na Onyankopɔn dɔ no yii ne ho adi wɔ yɛn ho, sɛ Onyankopɔn ba a ɔwoo no koro no baa wiase sɛ yɛmfa no so nnya nkwa. Eyi mu na ɔdɔ no wɔ, ɛnyɛ sɛ yɛn na yɛdɔɔ Onyankopɔn, na mmom sɛ ɔno dɔɔ yɛn na ɔsomaa ne ba sɛ ɔmmɛyɛ yɛn bɔne ho mpata. Adɔfonom, sɛ Onyankopɔn dɔɔ yɛn nso sɛɛ a, ɛno de ɛsɛ yɛn nso sɛ yɛdodɔ yɛn ho.”​—1 Yoh. 4:9-11.

16-18. (a) Dɛn na wɔhyɛ yɛn nyinaa nkuran sɛ yɛnyɛ bere a hokwan wɔ hɔ? (b) Dɛn na Yehowa mmɔborohunu kyerɛ ma yɛn? (d) Anisɔ nsɛm a Paulo kae bɛn na ɛfata sɛ yɛn nso yɛka?

¹⁶ Bere a yehu sɛnea mprempren adesamma nwo ntoatoaso yi reyɛ ade wɔ Yehowa ho na yɛkenkan nnipa nsɛmmɔnedi ne basabasayɛ wɔ mfehaha no mu no ho nsɛm no, yetumi ka ampa sɛ Yehowa yɛ abufufa mu nyaa. Hwɛ aseda ara a ɛsɛ sɛ yɛde ma sɛ yɛatumi abedu saa bere yi a Yehowa boasetɔ da so wɔ hɔ yi! Ɛsɛ sɛ Petro nsɛm a ɛwɔ 2 Petro 3:9 ne 15 no ho anisɔ ka yɛn ma yesusuw Yehowa mmɔborohunu kɛse ne n’adɔe ho yiye: “Awurade . . . bo dwo kyɛ ma mo, ɔmpɛ sɛ nnipa bi bɛyera, na mmom ɔpɛ sɛ wɔn nyinaa ba adwensakra mu. Na mummu yɛn Awurade abodwokyɛre no sɛ nkwagye.”

¹⁷ Yenim sɛ nneɛma nhyehyɛe a ɛwɔ Satan ase no bɛsɛe, enti yɛpɛ sɛ yɛhyɛ nnipa nyinaa nkuran ma wosusuw Onyankopɔn abodwokyɛre ho yiye na wɔyɛ nneɛma a ɛho hia ma nkwagye no ansa na aka akyi dodo. (Sef. 2:3; Adi. 18:4) Anigye bɛn ara na ɛyɛ sɛ yɛafa saa nkwagye kwan no so. Nanso sɛ nnipa a yɛyɛ Adam asefo no, yɛwɔ nipadua mu mmerɛwyɛ ahorow, na, yɛyɛ mfomso, sɛnea Dawid ne afoforo yɛe no. Na esiane sɛ ɛte saa nti, Yesu kyerɛɛ yɛn sɛ yɛmmɔ mpae sɛ: “Fa yɛn aka firi yɛn, sɛnea yɛde firi wɔn a wɔde yɛn aka; na mfa yɛn nkɔ sɔhwɛ mu, na yi yɛn fi bɔne mu.”​—Mat. 6:12, 13.

¹⁸ Nsiesie a Yehowa nam ‘Yesu Kristo so ayɛ no ho hia kɛse ma yɛn nyinaa. Momma yennya Yehowa adɔe ne ne mmɔborohunu ne nea wayɛ ama yɛn no nyinaa ho anisɔ daa. Ɔsomafo Paulo nyaa anisɔ a ɛte saa, efisɛ ɔkae sɛ: “Meda yɛn Awurade Kristo Yesu a ɔhyɛɛ me den no ase, sɛ wabu me nokwafo de me ahyɛ ɔsom no mu. Ɛyɛ nokwasɛm a ɛsɛ sɛ wogye koraa, sɛ Kristo Yesu baa wiase begyee nnebɔneyɛfo a midi wɔn mu kan; nanso eyi nti wɔahu me mmɔbɔ, sɛ me a midi kan mu na Yesu Kristo beyi abodwokyɛre nyinaa adi, de ayɛ wɔn a wɔrebegye no adi akɔ daa nkwa mu nhwɛso. Na mmeresanten Hene. Onyankopɔn a ɔmporɔw a wonhu no a ne nko ne nyansafo no, nidi ne anuonyam nka no mmeresanten nnasanten! Amen.” (1 Tim. 1:12, 15-17) Ɛsɛ sɛ anisɔ a yɛwɔ no ka yɛn ma yeyi Yehowa ayɛ daa, bere a yɛkɔ so ka ɔhene a ɔyɛ ho asɛm no.