“Wayɛ me ho adwuma pa. . . . Wayɛ nea ɛwɔ ne nsam; wadi kan asra me nipadua akɔ sie mu. Nokware mise mo, baabiara a wɔbɛka asɛmpa yi wiase nyinaa no, nea ɔbaa yi ayɛ nso, wɔbɛka de ayɛ no nkae.”​—Marko 14:6-9.

²⁷ Ne ho nyinaa a ɔde mae yi yɛ nea na Maria yɛ bere biara, ɛnyɛ biribi a esii da koro. Bere a atwam no Maria daa faako a ne koma wɔ adi denam Yesu nan ase a ɔtra tiee ne nkyerɛkyerɛ no so. (Luka 10:38-42) Afei ɔkɔɔ so gyinaa ɔsɛnkafo soronko, Yesu akyi. Na, nea ɛyɛ anigye no, Yesu de nea Maria yɛe no kaa wiase nyinaa asɛmpaka adwuma no ho, ma ɔkae sɛ baabiara a wɔbɛka “asɛmpa” no, wɔbɛkae no. Na n’ani gye asɛnka no ho. Saa na na Yesu te, de kosii ne wu mu.