• Ɔsom Adwuma a Yɛde Boa Afoforo
    Onyankopɔn Ahenni Redi Tumi!

    •  6. (a) Sɛnea Paulo kaa ho asɛm no, dɛn nti na adwuma a yɛde boa afoforo no ka yɛn som ho? (b) Ka sɛnea yɛyɛ adwuma a yɛde boa wɔn a atoyerɛnkyɛm ato wɔn wɔ wiase nyinaa nnɛ no ho asɛm. (Hwɛ adaka a n’asɛmti ne “Sɛ Atoyerɛnkyɛm Bi Si A!.”)

      6 Paulo boaa Korintofo no ma wohuu nea enti a adwuma a wɔde boa afoforo no ka wɔn som adwuma ne ɔsom a wɔde ma Yehowa no ho. Momma yɛnhyɛ nkyerɛkyerɛmu a ɔde mae yi nsow: Kristofo boa afoforo efisɛ ‘wɔbrɛ wɔn ho ase ma Kristo ho asɛmpa no.’ (2 Kor. 9:​13) Esiane sɛ Kristofo pɛ sɛ wɔde Kristo nkyerɛkyerɛ bɔ wɔn bra nti, wɔboa wɔn mfɛfo asomfo. Paulo kae sɛ, ayamye a Kristofo da no adi kyerɛ wɔn nuanom no yɛ “Onyankopɔn adom a ɛboro so.” (2 Kor. 9:​14; 1 Pet. 4:​10) Enti, bere a Ɔwɛn-Aban a ɛbae December 1, 1975 reka yɛn nuanom a wɔakɔ ahokyere mu a yɛbɛboa wɔn ho asɛm no, ɛkae sɛ: “Ɛsɛ sɛ yenya ahotoso ankasa sɛ Yehowa Nyankopɔn ne ne Ba Yesu Kristo ani sɔ saa ɔsom adwuma yi.” Nokwarem no, adwuma a yɛde boa afoforo no yɛ ɔsom kronn fã titiriw.​—Rom. 12:​1, 7; 2 Kor. 8:7; Heb. 13:16.

  • Ɔsom Adwuma a Yɛde Boa Afoforo
    Onyankopɔn Ahenni Redi Tumi!

    • 7, 8. Dɛn ne ɔsom adwuma a yɛde boa afoforo no botae a edi kan? Kyerɛkyerɛ mu.

      7 Adwuma a yɛde boa afoforo no botae ne dɛn? Paulo maa saa asɛm no ho mmuae wɔ ne krataa a ɛto so abien a ɔde kɔmaa Korintofo no mu. (Monkenkan 2 Korintofo 9:​11-15.) Wɔ saa kyerɛwsɛm yi mu no, Paulo sii botae atitiriw abiɛsa a sɛ yɛde yɛn ho hyɛ “ɔsom a wɔde ma yi”​—adwuma a yɛde boa afoforo no​—mu a yedu ho no so dua. Momma yensusuw ho mmiako mmiako.

      8 Nea edi kan, ɔsom adwuma yi hyɛ Yehowa anuonyam. Momma yɛnhyɛ mpɛn dodow a Paulo twee ne nuanom adwene kɔɔ Yehowa Nyankopɔn so wɔ kyerɛwsɛm a ɛwɔ atifi hɔ mu no nsow. Ɔsomafo no twee wɔn adwene kɔɔ nsɛm bi te sɛ “ama Onyankopɔn anya aseda” ne “aseda pii a wɔde ma Onyankopɔn” no so. (Nkyekyɛm 11, 12) Ɔkaa sɛnea adwuma a Kristofo de boa wɔn a atoyerɛnkyɛm ato wɔn no ma “wɔhyɛ Onyankopɔn anuonyam” na wɔkamfo “Onyankopɔn adom a ɛboro so” no ho asɛm. (Nkyekyɛm 13, 14) Paulo de ɔsom adwuma a yɛde boa afoforo no ho asɛm no baa awiei sɛ: “Aseda nka Onyankopɔn.”​—Nkyekyɛm 15; 1 Pet. 4:11.