• Bible No Yɛ Onyankopɔn Asɛm a Ɔde Ama Yɛn
    Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ

    • 1. Sɛ nnipa na ɛkyerɛw Bible no a, adɛn nti na yɛka sɛ efi Onyankopɔn hɔ?

      Nnipa bɛyɛ 40 na ɛkyerɛw Bible no. Wofii ase wɔ afe 1513 A.Y.B., na wowiei wɔ bɛyɛ afe 98 Y.B. Wei kyerɛ sɛ efi bere a wofii ase kyerɛwee kosi bere a wowiei no, edii mfe bɛyɛ 1,600. Nnipa ahorow-ahorow na ɛkyerɛw Bible no. Ná ebi yɛ nguanhwɛfo, akuafo, mpataayifo, ne ahemfo. Nanso Bible mu nsɛm nyinaa hyia. Ɛyɛɛ dɛn na etumi yɛɛ yiye? Efisɛ Bible no yɛ Onyankopɔn asɛm. (Kenkan 1 Tesalonikafo 2:13.) Nnipa a ɛkyerɛw Bible no, ɛnyɛ wɔn ankasa tirim asɛm na wɔkyerɛwee. Mmom, ‘Onyankopɔn honhom kronkron na ɛma wɔkasae.’a (2 Petro 1:21) Wei kyerɛ sɛ, Onyankopɔn na ɔde honhom kronkron kanyan nnipa ma wɔkyerɛw ne nsɛm.—2 Timoteo 3:16.

  • Yehowa Te Sɛn?
    Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ

    • 4. Honhom kronkron yɛ Onyankopɔn tumi a ɔde yɛ ade

      Mfoni Ahorow: Nneɛma a Onyankopɔn honhom kronkron ayɛ. 1. Okyinnsoromma ahorow ne amansan no. 2. Bible kyerɛwfo bi rekyerɛw Onyankopɔn anom asɛm agu nhoma mmobɔwee so.

      Sɛnea yɛde yɛn nsa yɛ adwuma no, saa ara na Onyankopɔn nso nam ne honhom kronkron so yɛ biribiara. Bible ma yehu sɛ honhom kronkron nyɛ nipa, na mmom ɛyɛ tumi a Onyankopɔn de yɛ n’adwuma. Monkenkan Luka 11:13 ne Asomafo Nnwuma 2:17. Muwie a munsusuw nsɛmmisa yi ho:

      • Onyankopɔn ‘behwie’ ne honhom kronkron agu wɔn a wobisa no no so. Enti wohwɛ a, honhom kronkron yɛ onipa anaa ɛyɛ tumi a Onyankopɔn nam so yɛ ade? Adɛn nti na woreka saa?

      Yehowa de ne honhom kronkron no yɛ nneɛma pii. Monkenkan Dwom 33:6 ne 2 Petro 1:20, 21. Muwie a munsusuw asɛmmisa yi ho:

      • Nneɛma a Yehowa de ne honhom kronkron ayɛ no, ebi ne nea ɛwɔ he?

      Mfoni Ahorow: Nneɛma a Onyankopɔn honhom kronkron ayɛ. 1. Okyinnsoromma ahorow ne amansan no. 2. Bible kyerɛwfo bi rekyerɛw Onyankopɔn anom asɛm agu nhoma mmobɔwee so.