Onyankopɔn Nhoma​—Ɛyɛ Akorade

1. Nhoma bi wɔ hɔ, emu nsɛm dɔɔso.

Ɛma asomdwoe ne anidaso.

Emu nsɛmpa no wɔ tumi kɛse paa;

Ɛma wɔn a wɔtie nyinaa nya nkwa.

Nhoma pa no ne Nyankopɔn Bible.

Ɔde nnipa na ɛky’rɛw Bible no;

Nnipa no de wɔn koma nyinaa dɔɔ no.

Ne honhom kronkron na ɔde kaa wɔn.

2. Wɔky’rɛw Nyankopɔn abɔde ho asɛm,

Sɛ ɔde ne tumi bɔɔ b’ribiara.

Wɔkae sɛ b’re bi na bɔne nni wiase;

Wɔkaa sɛnea Paradise fii hɔ.

Wɔkaa ɔbɔfo bi nso ho asɛm;

Ɔkasa tiaa Nyankopɔn tumidi.

Kasatia no de aw’rɛhow kɛse bae,

Ɛrenkyɛ Yehowa bedi nkonim.

3. Ɛnnɛ yɛwɔ anigye da kɛse mu.

Nyankopɔn Ahenni wɔ Kristo nsam.

Ɛnnɛ na Yehowa de nkwagye kɛse

Bɛma wɔn a wɔde koma som no.

Anigyesɛm pii yi wɔ nhoma no mu;

Ɛyɛ nsɛm kronkron a ɛhyɛ yɛn den.

Ɛma asomdwoe a ɛsen b’ribiara;

Akorade a obi biara hia.