Nea Ɛma Yɛn Ani Gye

1. Yɛwɔ anigye wɔ yɛn komam,

Ɛkyɛn ahonyade bebree.

Ɛno na nnipa nyinaa hwehwɛ;

Wɔfi baabiara ba yɛn nkyɛn.

Yɛwɔ komam anigye ampa;

Egyina Ky’rɛw Kronkron no so.

Ɛma yɛn afotu da biara;

Ɛma yenya gyidi kɛse.

Yɛn anigye wɔ nnyinaso pa,

Ɛte sɛ gya wɔ yɛn komam.

Yehyia ɔhaw ne sɔhwɛ pii de,

Nanso Yehowa hyɛ yɛn den.

2. Yɛde anigye hwɛ n’abɔde;

Ɔs’ro, asase ne ɛpo.

Yɛhwɛ Nyankopɔn abɔde no;

Yɛkamfo ne nnwuma wayɛ.

Yedi adanse, na yensuro;

Yɛka n’Ahenni ho asɛm.

Yɛde anigye ka baabiara

Sɛ Yesu Ahenni aba.

Ɛnkyɛ yebedi ah’rusi daa;

Awerɛhow nyinaa betwam.

Ɔsoro ne asase fof’ro

Bɛma yɛanya anigye daa.