Génesis

14 Ta yorail te ajwalil Amrafel yuʼun Sinar, te ajwalil Arioc yuʼun Elasar, te ajwalil Kedorlaomer yuʼun Elam sok te ajwalil Tidal yuʼun Goyim, 2 la stsak sbaik ta guerra te ajwaliletik-abi sok te ajwalil Bera yuʼun Sodoma, te ajwalil Birsá yuʼun Gomorra, te ajwalil Sinab yuʼun Admá, te ajwalil Seméber yuʼun Zeboyim sok te ajwalil yuʼun Bela, jaʼ te Zóar. 3 Ta spisilik la stsob sbaik ta spamlej yuʼun Sidim, jaʼ te mar Salado.*

4 Ayix 12 jaʼbil te yakik ta abatinel ta stojol te Kedorlaomer, pero ta jaʼbil 13 la stoy sbaik ta stojol. 5 Ta jaʼbil 14, te Kedorlaomer sok te ajwaliletik te jun yoʼtan sbaik soke bajt stsalik te refaimetik ta Asterot-Carnaim, te zuzimetik ta Cam, te emimetik ta Savé-Quiryataim 6 sok te horeoetik ta witstikil yuʼun Seír jaʼto kʼalal ta El-Parán te nopol* yiloj sba sok te jochol takin kʼinal. 7 Ta patil sujtik tal, kʼotik ta En-Mispat, jaʼ te Cadés. La yuʼuninik spisil te skʼinal te amalequitaetik soknix te amorreoetik te yakik ta nainel ta Hazazón-Tamar.

8 Jich yuʼun, te ajwalil yuʼun Sodoma bajt ta spamlej yuʼun Sidim, jokinbil bael yuʼun te ajwaliletik yuʼun Gomorra, Admá, Zeboyim sok te ajwalil yuʼun Bela, jaʼ te Zóar. Tey la schajpan sbaik yuʼun ya yakʼbeyik guerra 9 te ajwalil Kedorlaomer yuʼun Elam, te ajwalil Tidal yuʼun Goyim, te ajwalil Amrafel yuʼun Sinar sok te ajwalil Arioc yuʼun Elasar. Chantul ajwaliletik la stsak sbaik sok joʼtul ajwaliletik. 10 Ta spamlej yuʼun Sidim ay bayal pozoetik yuʼun xuchʼ. Kʼalal lokʼik ta anel te ajwaliletik yuʼun te Sodoma sok te Gomorra, chʼayik koel ta pozoetik-abi, yan stukel te yantike anik bael ta witstikil. 11 Tey-abi, te machʼatik la yaʼiy tsalawe, la spojik bael spisil te bintik ay ta Sodoma sok ta Gomorra soknix te weʼelile, jich bajtik. 12 Te bitʼil yak ta nainel ta Sodoma te Lot —te jaʼ snichʼan sbankil te Abrán— la yichʼ tsakel bael-euk sok la yichʼ ichʼel bael te bintik ay yuʼun, jich bajtik.

13 Ta patil-abi, jtul winik te juʼ yuʼun lokʼ bael ta anele la yalbey spisil te bin kʼot ta pasel te Abrán, te hebreo-winik. Ta yorail-abi, te Abrán yak ta nainel ta nailpakʼetik te banti ay te mukʼul teʼetik yuʼun Mamré, te amorreo-winik, te jaʼ sbankil* te Escol sok te Aner te jun yoʼtan sbaik sok te Abrán. 14 Kʼalal la snaʼ stojol te Abrán te la yichʼ tsakel bael te snichʼan sbankile, la stsob te swiniktak te chapalik ta yakʼel guerra —318 ta tul j-abatetik te ayinemik* ta sna— jich la snutstiklan bael jaʼto kʼalal ta Dan. 15 Ta ajkʼabal, te Abrán tsojboltsojb la yakʼ te j-abatetik yuʼun, jich la yochintayik sok la stsalik. La snutstiklan bael jaʼto kʼalal ta Hobá, te ay ta norte yuʼun Damasco. 16 Jich te Abrán la yichʼ sujtel tal spisil te bintik ay ta lume. Jaʼnix jich la yikʼ sujtel tal te snichʼan sbankil jaʼ te Lot sok spisil te bintik ay yuʼun, te antsetik sok te yantik ants winiketike.

17 Kʼalal te Abrán sujt tal ta stsalel te Kedorlaomer sok te yantik ajwaliletik te jun yoʼtan sbaik soke, te ajwalil yuʼun Sodoma bajt sta te Abrán ta spamlej yuʼun Savé, jaʼ te spamlej yuʼun Ajwalil. 18 Te Melquisedec, te jaʼ ajwalil ta skʼinal Salem, la yichʼbey tal pan sok vino. Jaʼ sacerdote yuʼun Dios, te Machʼa toyol aye.

19 La yakʼbey bendición te Abrán sok jich la yalbey:

Ta spisil te bintik la spoj tal te Abrán la yakʼbey jun ta slajunebal te Melquisedec.

21 Ta patil, te ajwalil yuʼun Sodoma jich la yalbey te Abrán: «Sujtesbon tal te ants winiketik, pero ichʼa jilel stukel te biluketike». 22 Pero, te Abrán jich la yalbey te ajwalil yuʼun Sodoma: «Ya jtoy jkʼab sok ya kal ta jamal ta stojol te Jehová, te Dios, te Machʼa toyol ay te la spas te chʼulchan sok te balumilal 23 te maʼyuk bin ya jtsakbat ni junuk hilo ni schujkil tepil o xanabil, yuʼun maba jich ya awal ta patil ‹Te Abrán la sta skʼulejal ta jwenta›. 24 Jaʼnax ya jtsakbat te bintik la sweʼikix te jwiniktake. Pero, akʼa yichʼik jilel te bin la staik tal te winiketik te la sjokinonik baele jaʼik te Aner, Escol sok te Mamré».