2 Samuel

 3 Jaʼ mukʼul ton kuʼun te Dios kuʼun, jaʼ anibal kuʼun,

jaʼ majkilal kuʼun, jaʼ te machʼa bayal yip ya skoltayon,* jaʼ lekil anibal* kuʼun,

jaʼ te banti ya xboon ta anel, jaʼ jkoltaywanej kuʼun;

 4 Joʼon ya jkʼopon te Jehová, jaʼ te machʼa ya skʼan albeyel yutsil skʼoplal,

jichme ya kichʼ koltayel lokʼel ta skʼab te jkontratak.

 5 Te yip sbul te mar te ya xjuʼ ya xmilawane tal spisil ta joyobal;

xiwon yuʼun te la sjoytayonik te chopol winiketike.*

 6 La sbechʼon te slazoil te Mukenal;*

tal ta jtojol te pejtsʼ yuʼun te lajele.

 7 La jkʼopon te Jehová ta yorail jwokol,

la kawtay te Dios kuʼun.

K’alalto ta templo yuʼun la yaʼiybon te jkʼope,

kʼot ta schikin te kaw ta skʼanel koltayel.

 8 Te balumilal jajch syukʼilan sba sok ta nijkel;

jajch ta nijkel te yiptajib te chʼulchan

sok la syukʼilan sbaik ta skaj te yilinba te Diose.

 9 Lokʼ tal chʼail ta sniʼ

sok lokʼ tal kʼajkʼ ta ye te ya xlajinwan;

lokʼ tal tsajal akʼal ta stojol.

10 La yak’ snijan sba te chʼulchan te k’alal ko tale,

sok ay ijkʼuben tokal ta yeʼtal yok-a.

12 La yakʼ ijkʼal kʼinal ta sjoyobal swenta anibal kʼot yuʼun,

la yakʼ ijkʼal tokal sok pimil tokal.

14 Te Jehová la yakʼ tʼomuk chawuk kʼalalto ta chʼulchan;

te Machʼa toyol aye la yakʼ ta aʼiyel te skʼope.

15 La stʼimuy bael te flechaetik yuʼun, jich la spuk bael te jkontratake;

la yakʼ tal tsantsewal, jich la yakʼ ochuk xiwel ta yoʼtan te jkontratake.

16 Chiknaj ta ilel te slumil te mar;

chiknaj ta ilel te yiptajib te balumilal ta swenta te tulan tojobtesot yuʼun te Jehová,

ta skaj te yikʼal te sniʼe.

17 Kʼalalto ta chʼulchan la yakʼ tal te skʼab;

la stsakbon jkʼab sok la slokʼeson tal ta skʼubulil jaʼ.

18 La skoltayon lokʼel ta skʼab te jkontra te bayal yip,

jaʼik te machʼatik ya spʼajonik, jaʼik te machʼatik bayal yipik-a te bitʼil te joʼone.

19 Ta skʼajkʼalel jwokol la skontrainonik te jkontratak,

pero jaʼ la skoltayon te Jehová.

20 La yakʼon ta jun lugar te banti jun koʼtan;

la yakʼon ta libre, melel tseʼel yoʼtan kuʼun.

21 Te Jehová ya smajtanteson ta swenta te bin toj ya jpas;

jich yipal ya stojon ta swenta te maʼyuk jmule.

22 Jaʼ jtʼunoj te be yuʼun te Jehová

sok maba kijkitayoj te Dios kuʼun, melel maba lek te jich ya jpase.

23 Ay ta koʼtan spisil te mantaliletik awuʼun;

maba ya xjowijon ta stojol.

24 Ya kakʼ ta koʼtan te maba ya jta jmul ta stojol,

yame jkanantay jba swenta ma jta jmul ta stojol.

25 Jaʼuk akʼa stojon te Jehová ta swenta te bin toj ya jpas,

jich yipal ak’a stojon ta swenta te maʼyuk jmul ta stojole.

26 Te machʼa jun yoʼtan ta atojol jun awoʼtan ta stojol;

toj ya awil te winik te maʼyuk smule.

27 Te machʼa ya spas te bin lek, lek te bin ya apas ta stojol;

pero ya awichʼ apʼijil ta stojol* te machʼa chopole.*

28 Melel ya akoltay te machʼatik pekʼel yoʼtanik,

pero maba lek ya awil te machʼatik ya stoy sbaik sok ya apejkʼanbey skʼoplalik.

29 Melel jaʼat tsumbil kʼajkʼat kuʼun, Kajwal, Jehová;

jaʼat, Jehová, te machʼa ya sakubtes te ijkʼal kʼinal kuʼun.

30 Ta swenta te koltayel ya awakʼbone ya xjuʼ ya jtsal ta guerra te jpojbiluketik;

ta swenta te awuʼel, Dios kuʼun, ya xjuʼ ya xmoon kʼaxel ta sba tsʼajkʼ.

31 Kʼax toj te be yuʼun te smelelil Dios;*

maʼyuk schopolil te skʼop te Jehová.

33 Jaʼ tulan tsʼajkʼ kuʼun te smelelil Diose,*

jaʼ ya yakʼ te toj ya xkʼot te be kuʼune.

34 Ya yakʼbon kok jich te bin-utʼil yok chij;

maba ya yakʼ xyalon ta schʼujtchʼujt wits.

35 Jaʼ ya spʼijubtesbon te jkʼab ta yakʼel guerra;

te jkʼabe ya xjuʼ ya skox* jun tʼimalteʼ te pasbil ta cobre.

36 Jaʼat ya awakʼbon te majkilal yuʼun kolel awuʼun,

ya smukʼubtesbon jkʼoplal te spekʼelil awoʼtane.

37 Jaʼat ya amukʼubtesbon te be te banti ya xkʼaxon;

maba ya xbiltsʼuj te koke.

38 Yame jnutstiklan te jkontratak sok yame jlajinlan;

maba ya sujton jaʼto teme la jlajinlane.

39 Yame jlajinlan sok yame jtsʼoʼtiklan* ta tekʼel swenta maba ya xjajchikix tal;

yame xyalik tal ta kok.

40 Jaʼatme ya awakʼbon kip ta yakʼel guerra;

jaʼatme ya awakʼ te ya xyalik tal ta jtojol te jkontratake.

41 Jaʼatme ya awakʼ te ya x-anik bael ta jtojol te jkontratak;

yame jlajin te machʼatik ya spʼajonike.

42 Ya skʼanik koltayel te jkontratak, pero maʼyuk machʼa ya xkoltayotik yuʼun,

jaʼnix jich ya skʼanbeyik koltayel te Jehová, pero maba ya x-aʼiybot te skʼopike.

43 Yame juchʼtiklan jaʼto te kʼalal jich ya xjilik te bin-utʼil tsʼubil lum;

yame xtanub jilel kuʼun sok yame jtsʼoʼtiklan* ta tekʼel jich te bin-utʼil ajchʼal ta calleetik.

Jaʼatme ya akanantayon swenta jolal ya xkʼoon yuʼun te yantik lumetik;

yame x-abatin ta jtojol jpam lum te maba ya jnaʼbey sbae.

45 Xiwenikme ya xtalik ta jtojol te jyanlumetik;

ta swenta te bin ya yaʼiyik ta jtojol yame schʼuunbonik te jkʼope.

46 Te jyanlumetik yame x-och xiwel ta yoʼtanik;

ayik ta nijkel yuʼun xiwel te kʼalal ya xlokʼik tal te banti snakʼoj sbaike.

48 Te smelelil Dios* ya xlokʼ ta yakʼbeyel spakol te jkontratak;

jaʼme ya yakʼbon jwentain te lumetik;

49 Jaʼ ya skoltayon ta skʼab te jkontratak.

Jaʼat ya atoyesbon jkʼoplal ta stojol te machʼatik ya skontrainonik;

jaʼat ya akoltayon lokʼel ta skʼab te chopol winik.*

50 Jich yuʼun ya kalbat wokol ta yolil te mukʼul lumetik, Kajwal, Jehová,

ya jkʼayojtaybat* te abiile:

51 bayal bintik mukʼ spasoj ta skoltayel te ajwalil stsaoje;

ya yakʼbey yil ta sbajtelkʼinal te kʼuxul oʼtanil te ma x-ijkitaywan te machʼa tsabil yuʼun,

jaʼ te David sok te stsʼumbale».