LEKSION 18

Ayuk bin ya xlokʼ-a te bin ya awakʼ ta nopele

1 Corintios 9:19-23

TE BIN YA SKʼAN YA ANOP: Akʼa ta pensar te machʼatik ya schʼam yaʼiyik te akʼope sok jichuk ya yaʼiyik te ya xtuun yuʼunik te bin ya awakʼ ta nopele.

¿BIN-UTʼIL TA PASEL?

Ichʼa ta wenta te bin ya snaʼbeyikix skʼoplale. Mame jaʼuknax ya awalulan te bin yaʼiyojikixe, koltaya ta yilel te bintikxan-utʼil ya xjuʼ ya stuuntes ta skuxlejalik te bin snaʼojikixe.

Mame xjalajat ta scholel te bin ya snaʼbeyikix skʼoplale, jaʼ xa awakʼbeyxan bayal tiempo te bintik maniwan ayuk yaʼiyojik stojole.
Akʼbeya tiempo ta slebeyel skʼoplal te informasion sok nopilana ta awoʼtan. Teme ya xjuʼ, jaʼ xa awalbey skʼoplal te bintik maʼyuk jich yaʼiyojike o te bintik kʼoeltonax ta pasel yuʼun jich ya acholbey skʼoplal te punto te mukʼ skʼoplale. Nopa ta awoʼtan te punto-abi sok te bin-utʼil ya snitbey sba skʼoplal sok te bin ya akʼan ya achole.

Kʼalal yakat ta yilbeyel skʼoplal te bin ya achole, pasbeya aba te jojkʼoyeletik ini: ¿bin-a?, ¿bin yuʼun?, ¿bin-ora?, ¿banti?, ¿machʼa-a? sok ¿bin-utʼil? Te kʼalal ya apas te jojkʼoyeletik ini sok te ya awakʼbey sujtibe, jichme ya awakʼbey sbujtsʼ spisil te bin ya acholbey skʼoplale.
Akʼa ta naʼel te bin-utʼil ya xtuun yuʼunik te informasione. Chola te bin-utʼil ya xjuʼ xkoltayotik ta skuxlejalik ta jujun kʼajkʼal te bintik smelelil ya xtojobteswan ta Biblia. Albeya skʼoplal te bintik kʼoemik ta spasel ta skuxlejalik, te taleliletik yuʼun te ants winik sok te aʼtelil ya spasik te naʼbil sba yuʼunike.