La yichʼix naʼbeyel sba te machʼa chopole

2:6-12

¿Bin yak ta yalbeyel skʼoplal-a te Pablo ta bersikuloetik ini?

• 

  Te «binti a te combil yuʼun» (ber. 6): Jich yilel te jaʼ skʼoplal te jpuk-kʼopetike.

• «Ya xchicnaj» (ber. 6): Te kʼalal lajik te jpuk-kʼopetike, kaj ta chiknajel te machʼatik la yijkʼitayik schʼuunel te Jehová, melel la yakʼik ta ilel te chopol stalelik sok la yakʼik lotil nojptesel.

• «Te bin muquen ay yuʼun te bin chopole» (ber. 7): Ta skʼajkʼalel te Pabloe mato yichʼoj naʼbeyel sba ta jamal-a te «machʼa chopol[e]».

• 

  Te «machʼa chopol» (ber. 8): Ta kʼajkʼal ini jaʼ skʼoplal te jwolwanejetik yuʼun te relijionetike.

• Te machʼa chopol «ya xjihnot yuʼun te Cajwaltic [...] cʼalal ya xtale» (ber. 8): Te Jesús ya yakʼ ta naʼel te jaʼ yakix ta wentainwanej ta chʼulchan te kʼalal ya slajin te balumilal yuʼun te Satanase, te tey ochem skʼoplal-euk-a te «machʼa chopol[e]».

¿Bin yuʼun ya skʼan ya stijbotik koʼtantik te bersikuloetik-abi yuʼun sok sbujtsʼ koʼtantik ya jcholtik te skʼop Dios sok te yakuk jpastik ta oranaxe?