LECCIÓN 02

Te Biblia ya yakʼ smukʼul koʼtantik

Partitura

Ta swolol Balumilal te ants winiketik bayal ya smel yoʼtanik yuʼun te ya xkʼax swokolike. ¿Aybal jich awaʼiyoj aba? Ayniwan awokol ta skaj te chamel o te ay machʼa laj awuʼune, sok yaniwan anop teme ya sta yorail ya xlaj skʼoplal spisil te wokolile. Te Biblia ay bin ya yal ta swenta-abi te ya yakʼ smukʼul koʼtantik.

1. ¿Bin smukʼul koʼtantik ya yakʼbotik te Bibliae?

Te Biblia ya yal te bin yuʼun ay bayal wokolil ta swolol Balumilal. Jaʼnix jich ya yalbotik te nopol ya xlaj skʼoplal te jwokoltike. Te bin ya yal te Biblia ya yakʼ te ay bin lek ya amaliy ta pajel chaʼbej (kʼopona Jeremías 29:11, 12). Jaʼ-abi ya skoltayotik ta stsʼikel te jwokoltik sok te ma bayal ya jmel koʼtantike. Jaʼnix jich ya yakʼ jnaʼtik te ya xjuʼ ya jtatik stseʼelil koʼtantik ta sbajtelkʼinal.

2. ¿Bin ya yal te Biblia ta swenta te pajel chaʼbeje?

Te Biblia ya yal te pajel chaʼbej «mayuquix lajel, mel-oʼtan, oqʼuel o te bin cʼux» (kʼopona Apocalipsis 21:4). Yame xlaj skʼoplal te wokolil, jich bitʼil te pobreil, utsʼinel, chamel sok lajel. Te Biblia ya yal te ya xkʼatpʼuj ta nichimal kʼinal te Balumilal sok te ya xkuxinotik ta sbajtelkʼinal.

3. ¿Bin-utʼil ya anaʼ te ya xkʼot ta pasel te bin ya yal te Biblia?

Bayal ants winiketik ya yalik te ya xlekub te skuxinelik ta pajel chaʼbej, pero ma mero schʼuunej yoʼtanik te yuʼun-nix jich ya xkʼot ta pasel-ae. Yan stukel te bin ya yal te Bibliae yananix xkʼot ta pasel-a. Ya schʼuun koʼtantik te jich ya xkʼot ta pasel teme ya jnoptik ta lek «te bin tsʼihbabil ta Shun Dios» (Hechos 17:11). Kʼalal ya anop te Bibliae, jaʼatnixme ay ta awenta stael ta nopel teme ya achʼuun te bin ya yale.

JNOPTIKXAN TA LEK

Kiltik cheʼoxeb te bin ya yal te Biblia te ya xkʼot ta pasel ta pajel chaʼbej sok te bitʼil staoj smukʼul yoʼtanik te ants winiketik ta swenta-abi.

Dibujoetik: te dibujoetik ya yakʼik ta ilel te bin yilel te kuxlejalil ta ora ini sok te bin yilel ya xkʼot ta pajel chaʼbej. Te dibujoetik ya xchaʼchiknajik ta alan.

4. Te Biblia ya yal te ya jmulantik te kuxinel ta sbajtelkʼinal

Liʼ ta alan ya jtatik cheʼoxeb te bin ya yal te Biblia te ya xkʼot ta pasele. ¿Banti ya amulanxan? ¿Bin yuʼun te jaʼ ya amulane?

Kʼoponaik te textoetik sok albeyaik skʼoplal ini:

¿Yabal xjuʼ ya yakʼbat smukʼul awoʼtan te textoetik ini? ¿Yabal xjuʼ ya x-akʼbot smukʼul yoʼtan-euk te afamilia sok te awamigotake?

Nopa awaʼiy te jich ya xkuxinotike:

MAʼYUK MACHʼA...	SPISIL TE ANTS WINIKETIK...
... ya xkʼax swokol, te ya xmeʼel mamalub sok te ya xlaje (Isaías 25:8)	... ya yilbeyik sit yan buelta te machʼatik lajem yuʼunik te kʼalal ya xchaʼkuxajik tal liʼ ta Balumilal (Juan 5:28, 29)
... ya xtsakot ta chamel sok te ma tsʼakal te yok skʼabe (Isaías 33:24; 35:5, 6)	... ma xtsakotikix ta chamel sok ya x-achʼix keremubik (Job 33:25)
... ay bin ma stojil ya yichʼ pasbeyel (Isaías 32:16, 17)	... bayal sweʼelik, lek snaik sok lek te yaʼtelike (Salmo 72:16; Isaías 65:21, 22)
... ya xwoklaj ta skaj te guerrae (Salmo 46:9)	... ya smulanik bayal lamalkʼinal (Salmo 37:11)
... ya xtalxan ta yoʼtan te bin ma lek la yichʼ pasbeyel o te bin ma lek kʼax ta skuxlejal (Isaías 65:17)	... ya smulanik lekil kuxlejalil ta sbajtelkʼinal (Salmo 37:29)

Te chʼin kerem te ay ta chamel-ae lekubix sok petbil yuʼun te smama.

Jtul winik te mamalix-ae keremubix sok yak ta stselel bael jun carretilla te nojel ta bok-itajetik.

5. Ya xlekub jkuxlejaltik yuʼun te sKʼop Diose

Bayal ants winiketik ya smel yoʼtanik sok ya x-ilinik ta skaj te wokolile. Ay machʼatik ya spasik tulan ta slekubtesel te kuxinele. Pero te machʼatik snopojik te bin ya yal te Biblia lekubenix te skuxlejalike. Ilawilik te VIDEO sok albeyaik skʼoplal ini:

VIDEO: Ya skʼan ya slajin te bin ma stojiluk ta pasele (4:07)

Te bin chiknaj ta video: Ya skʼan ya slajin te bin ma stojiluk ta pasele. 1. Te kʼalal chʼinto-a te Rafika ya stul tumin sok te ants winiketik te pajal stsʼumbal soke. 2. Te Rafika kʼot ta sbabial buelta ta jun mukʼul tsoblej yuʼun te testigoetik yuʼun Jehová. Tseʼel yoʼtan yuʼun te jun-nax ayik te ants winiketik manchukme yanyantik stsʼumbalik.

¿Bintik-a te ma stojiluk ta pasel te maba la smulan te Rafikae?
Manchukme maba laj skʼoplal te pʼajawe, ¿bin-utʼil koltayot yuʼun te Bibliae?

Kʼalal ya schʼuun koʼtantik te bin ya yal te Biblia ta swenta te bin ya xkʼot ta pasel ta pajel chaʼbeje, ya skoltayotik yuʼun ma jkʼaxeluk ya jmel koʼtantik sok te tseʼeluk koʼtantik manchukme ay jwokoltik. Kʼoponaik Proverbios 17:22 sok Romanos 12:12, sok albeyaik skʼoplal ini:

Teme ya achʼuun te bin ya yal te Biblia ta swenta te bin ya xkʼot ta pasel ta pajel chaʼbeje, ¿yabal skoltayat awaʼiy? ¿Bin yuʼun te jich ya awale?

AY MACHʼATIK JICH YA YALIK: «Manix jnaʼtik-a teme smelelil te bin ya yal te Bibliae».

Teme smelelil te ya xkʼot ta pasel te bin ya yal te Bibliae, ¿puersabal te yato kilbeytik skʼoplale? ¿Bin yuʼun?

¿BINTIK LA JNOPTIK?

Te Biblia ya yal te ay bin tʼujbil ya jmaliytik ta pajel chaʼbej, jaʼ-abi ya yakʼ smukʼul koʼtantik sok ya skoltayotik ta stsʼikel te jwokoltike.

¿Jilbal ta awoʼtan into?

¿Bin yuʼun te ants winiketik ya skʼan ya snaʼik te bin lek ya xkʼot ta pasel ta pajel chaʼbeje?
¿Bin ya yal te Biblia te ya xkʼot ta pasel ta pajel chaʼbej?
Te bitʼil ay bin tʼujbil ya jmaliytik ta pajel chaʼbej, ¿bin-utʼil ya skoltayat ta ora ini?

Laj koʼtan ta snopel ta:

Pasa awil ini

Yuʼun ma schʼay ta awoʼtan te bintik tʼujbil ya jmaliytik ta pajel chaʼbeje, kʼopona yan buelta te textoetik la kiltik ta lección ini.

Pasaxan awil ini:

Your other goal

YA XJUʼ YA ANOPXAN INI

Nopaxan te bin-utʼil ya skoltayotik te smukʼul koʼtantike.

«¿Banti ya xjuʼ ya jtatik smukʼul koʼtantik?» (¡Wikʼame asit!, 22 yuʼun abril 2004)

Kʼopona bin-utʼil koltaybil yuʼun te smukʼul yoʼtan te machʼa tsakbil ta chamele.

«¿Yabal skoltayotik te Biblia yuʼun ya stsʼijk kuʼuntik te chamel?» (Ay ta jw.org)

Te kʼalal ya achʼam awaʼiy te kʼayojil ini, nopa awaʼiy te ayatix ta Nichimal Kʼinal sok te afamiliae.

Nopa awaʼiy te pajel chaʼbej (3:37)

Kʼopona bin-utʼil jeltaybot skuxlejal te bin ya yal te Biblia jtul winik te bayal bin la skʼan slekubtes ta Balumilal.

«Kʼot ta koʼtan te ma xjuʼ kuʼun sjeltayel te balumilal» (Te J-ilkʼinal ta toyol, 1 yuʼun julio 2013)