-
Spisiluk-ora smelelil te bin ya kaltike¡Mulana te akuxlejal ta sbajtelkʼinal! Te Biblia ya yalbat bin-utʼil
-
-
2. ¿Bin-utʼil ya kakʼtik ta ilel ta jujun kʼajkʼal te ma xloʼlaywanotik?
Te Jehová ya skʼan te «talel cʼaxel smelelil» ya jkʼopon jbatik (Zacarías 8:16, 17). ¿Bin ya skʼan ya yal-abi? Jaʼ te ma jlotiytik te jfamiliatik, te joʼtaktik ta aʼtel, te hermanoetik ta congregación ni jaʼuk te j-aʼtel patanetike. Jaʼnix jich ma xkaʼiytik elekʼ sok ma xloʼlaywanotik (kʼopona Proverbios 24:28 sok Efesios 4:28). Ya jtojtik spatanul te bintik ay kuʼuntike (Romanos 13:5-7). Ya jkʼantik te lek spisil te bintik ya jpastik ta jkuxlejaltike (Hebreos 13:18).
-
-
¿Bin ya skʼan ya yal te maba ya jchʼik jbatik ta política?¡Mulana te akuxlejal ta sbajtelkʼinal! Te Biblia ya yalbat bin-utʼil
-
-
LECCIÓN 45
¿Bin ya skʼan ya yal te maba ya jchʼik jbatik ta política?
Te Jesús jich la yalbey te jnopojeletik: «Ma yuʼunuquex te bahlumilal» (Juan 15:19). Jaʼ-abi ya skʼan ya yal te maba ya schʼik sbaik ta política ni ta guerraetik. Pero maba kʼun ta pasel-abi, melel ya xjuʼ ya kichʼtik labanel. ¿Bin-utʼil maba ya jchʼik jbatik ta política sok te jun koʼtan ya kakʼ jbatik ta stojol te Jehová?
1. ¿Bin yilel ya kiltik te ajwaliletik ta Balumilal?
Te j-abatotik yuʼun Dios ya kichʼtik ta wenta te ajwaliletike. Te Jesús jich la yal: «Aʼbeyahic César te bintic yuʼun César». Jaʼme jich ya jpastik: ya jchʼuuntik te leyetik te ya yakʼik te ajwaliletik jich bitʼil te stojel te jpatantike (Marcos 12:17). Te Biblia ya yal te jaʼnix te Jehová yakʼoj te ajwaliletike (Romanos 13:1). Jaʼ yuʼun ya xkʼot ta koʼtantik te jaʼ pekʼelxan yaʼtelik te bitʼil te Diose. Seguro ayotik te jaʼnax te Wentainel yuʼun Dios ya xbajt slajin spisil te wokoliletik te ay ta Balumilale.
2. ¿Bin-utʼil ya kakʼtik ta ilel te maba ya jchʼik jbatik ta política?
Jich bitʼil te Jesuse, maba ya jchʼik jbatik ta política. Kʼalal te ants winiketik la yilik te milagro la spas te Jesús, kʼan yotsesik ta ajwalil, pero maba la skʼan stukel (Juan 6:15). ¿Bin yuʼun? Jich la yal: «Te banti ay te cuentahinel cuʼun, ma haʼuc liʼ ta bahlumilali» (Juan 18:36). Te jchʼuunjelotik yuʼun Jesús bayal bitʼil ya kakʼtik ta ilel te maba ya jchʼik jbatik ta política. Jich bitʼil te maba ya xbootik ta guerra (kʼopona Miqueas 4:3). Manchukme ya kichʼtik ta wenta te bandera, maba ya jpastik saludar sok maba ya jkʼayojtaytik, melel teme jich ya jpastike jich kʼoem te yakotik ta yichʼel ta mukʼ jun lokʼomba (1 Juan 5:21). Jaʼnix jich maba ya jkoltaybeytik skʼoplal sok ma jkontraintik jun partido político ni jaʼuk te machʼa tsabil yuʼun ya x-och ta yaʼtel. Jaʼ ini jaʼnaxme chaʼoxchajp te bitʼil ya kakʼtik ta ilel te jun koʼtantik ta stojol te Wentainel yuʼun te Diose.
JNOPTIKXAN TA LEK
Kiltik bin-ora wokol ya kaʼiytik te maba ya jchʼik jbatik ta política sok bin ya xjuʼ ya jpastik yuʼun ya kakʼbeytik stseʼelil yoʼtan te Jehová.
3. Te j-abatetik yuʼun Dios ma schʼik sbaik ta política
La yakʼbotik jilel lekil ejemplo te Jesús sok te jnopojeletik yuʼune. Kʼoponaik Romanos 13:1, 5-7 sok 1 Pedro 2:13, 14. Ta patil ilawilik te VIDEO sok albeyaik skʼoplal ini:
¿Bin yuʼun ya skʼan ya kichʼtik ta wenta te j-aʼtel patanetike?
¿Bin-utʼil ya kakʼtik ta ilel te ya kakʼ jbatik ta wentainel yuʼune?
Te kʼalal ya xjajch guerra, ay nacionetik te ya yalik te maba ya schʼik sbaik-a, pero aynix bitʼil ya skoltaybeyik skʼoplal. ¿Yuʼun-nixbal maba yak schʼikbel sbaik-a te kʼalal jich ya spasike? Kʼoponaik Juan 17:16. Ta patil ilawilik te VIDEO sok albeyaik skʼoplal ini:
¿Bin smakojbey skʼoplal te maba ya jchʼik jbatik ta política?
Ayniwan bin ya yakʼ jpastik te j-aʼtel patanetik te ya skontrain te smantal te Diose. ¿Bin ya jpastik teme jich ya xkʼot ta jtojoltike? Kʼoponaik Hechos 5:28, 29. Ta patil ilawilik te VIDEO sok albeyaik skʼoplal ini:
Kʼalal te leyetik yuʼun te ajwaliletik ya skontrain te leyetik yuʼun te Diose, ¿bin ya skʼan ya jpastik?
¿Binwan-ora te j-abatetik yuʼun Dios ma skʼan ya schʼuunbeyik smantal te j-aʼtel patanetike?
4. Mame xa achʼik aba ta política sok ma xa akoltaybey skʼoplal ta awoʼtan
Kʼoponaik 1 Juan 5:21. Ta patil ilawilik te VIDEO sok albeyaik skʼoplal ini:
¿Bin yuʼun te Ayenge maba la schʼik sba ta política sok maba la spas saludar te bandera?
¿Lekbal te bin la sta ta nopel spasele?
¿Bin yuʼun te ay wokol ya kaʼiytik te maba ya jchʼik jbatik ta politicae? Ilawilik te VIDEO sok albeyaik skʼoplal ini:
¿Bin-utʼil ya kakʼtik ta ilel te jun koʼtantik ta stojol te Jehová te kʼalal ya stsal sbaik ta tajimal bayal nacionetik?
¿Bin-utʼil ya kakʼtik ta ilel te maba ya jchʼik jbatik ta política kʼalal ay lek o ma lek te bin ya staik ta nopel te j-aʼtel patanetike?
¿Bin-utʼil ya stij koʼtantik te noticia o te ants winiketik yuʼun ya jchʼik jbatik ta política?
¿Bin-utʼil ya yakʼ ta ilel te j-abat yuʼun Dios te maba ya schʼik sba ta política sok ma skoltaybey skʼoplal ta yoʼtan?
AY MACHʼATIK JICH YA SJOJKʼOYIK: «¿Bin yuʼun maba ya apas saludar te bandera sok maba ya akʼayojtay te himno nacional?».
¿Bin sujtib ya awakʼbey?
¿BINTIK LA JNOPTIK?
Te j-abatetik yuʼun Jehová ya spasik tulan yuʼun maba ya schʼik sbaik ta política sok ma skoltaybeyik skʼoplal ta yoʼtanik.
¿Jilbal ta awoʼtan into?
¿Bin ay ta jwentatik spasel ta stojol te ajwaliletik yuʼun te Balumilale?
¿Bin yuʼun te maba ya jchʼik jbatik ta política?
¿Bintik ya xjuʼ ya xkʼot ta pasel te jich wokol ya kaʼiytik te maba ya jchʼik jbatik ta politicae?
YA XJUʼ YA ANOPXAN INI
¿Bin wokolil ya xjuʼ ya ata ta swenta te maba ya achʼik aba ta politicae?
¿Bin ya xjuʼ ya spasik te familiaetik yuʼun nailto ya schajpan sbaik yuʼun jun yoʼtan ya yakʼ sbaik ta stojol te Jehová?
Junukme koʼtantik ya kakʼ jbatik kʼalal ayotik ta komonsitil (4:25)
Bayal machʼatik jich ya yilik bitʼil majtanil te skoltaybeyel skʼoplal te snacionike, pero ¿melelbal-abi?
Kʼalal ya jle kaʼteltik, ¿bin-utʼil ya kakʼtik ta ilel te maba yuʼunotik te balumilal?
«Ta jtuhlutuhl ya scʼan ya scuch stuquel te yihcatse» (Te J-ilkʼinal ta toyol, 15 yuʼun marzo 2006)
-